Foto: Mihail Tereshenko/TASS
Densaýlyq saqtaý vitse-ministri, bas memlekettik sanitariia dáriger Aijan Esmaǵambetova Qazaqstanda koronavirýstyń "kraken" nusqasy tirkelmegenin aitty, - dep habarlaidy Tengrinews.kz portaly.
Esmaǵambetovanyń aitýynsha, respýblikada koronavirýs boiynsha epidemiologiialyq jaǵdai turaqty. Táýligine oń PTR nátijesi bar 200, teris PTR nátijesi bar 10 COVID-19 jaǵdaiy tirkeledi.
"Epidemiologiialyq jaǵdaidy baǵalaý matritsasyna sáikes, respýblika jáne barlyq óńirler "jasyl" aimaqta. Ótken aptada aldyńǵy aptamen salystyrǵanda aýrý 4 paiyzǵa tómendedi (1135 jaǵdaidan 1089 jaǵdaiǵa deiin). Bólingen shtammdardyń sońǵy rettiligi respýblikada 100 paiyz "omikron" nusqasynyń ainalymy anyqtalǵanyn kórsetti. Qazaqstanda jańa "omikron" ("kraken") nusqasy anyqtalǵan joq", - dedi Aijan Esmaǵambetova.
Bas memlekettik sanitariia dáriger álemde "omikron" nusqasy basym ekenin, zerttelgen úlgilerdiń 99,9 paiyzyn quraitynyn aitty.
Buǵan deiin Reseide "kraken" koronavirýsynyń jańa nusqasy alǵash ret anyqtalǵany belgili bolǵan.
