Almatynyń bas sanitar dárigeri Jandarbek Bekshin qalada «koronavirýstyń almatylyq shtamy paida boldy» degen aqparatqa qatysty pikir bildirdi, dep habarlaidy "Ult aqparat".
Jandarbek Bekshinniń aitýynsha, búginde «almatylyq shtamǵa» qatysty resmi aqparat joq.
«Britandyq jáne Ońtústik Afrika shtamyna qatysty zerthanalardan resmi jaýap aldyq. Al «almatylyq shtamǵa» qatysty resmi málimet joq. Árine, BAQ-ta ártúrli nárse jazylady. Ony tekserip alý qajet, qolda resmi málimet bolýy kerek qoi. Biz resmi organ retinde tek resmi málimetke súiene alamyz», - dedi Jandarbek Bekshin.
Aita keteiik, ǵalymdar Qazaqstanda COVID-19-dyń «almatylyq shtamy» paida bolýy múmkin ekenin aitqan bolatyn.
Habar 24 telearnasynyń málimetinshe, koronavirýstyń jańa shtamy Almatyǵa ǵana tán bolýy múmkin.
