Koronavirýsqa vaktsina saldyrǵan 415 adamda reaktsiia baiqaldy. Bul týraly QR DSM Qoǵamdyq densaýlyq saqtaý ministrliginiń Qoǵamdyq densaýlyqty saqtaý ulttyq ortalyǵy direktorynyń orynbasary Ainagúl Qýatbaeva aitty, dep habarlaidy QazAqparat.
«Qazirgi ýaqytta elimizde koronavirýske qarsy reseilik «Spýtnik V» vaktsinasy qoldanyp jatyr. Búginde 59 myńnan astam meditsina mamandaryna, pedagogterge jáne Qarýly kúshterdegi áskeri qyzmetshiler atalǵan ekpeniniń birinshi kompenentin aldy. Al ekinshi komponentimen birinshi sanatqa kiretin 18 myńnan astam adamǵa ekpe jasaldy», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, ekpe alǵan adamdardyń barlyǵynyń densaýlyǵyn meditsina mamandary qaǵadalaýǵa alǵan. Vaktsinatsiia ár adamnyń kelisimi arqyly júrgiziledi.
«Vaktsinalaýdan keiingi monitoring júrgizý jumysyna erekshe kóńil bólip otyrmyz. Onyń ishinde vaktsinadan keiin egý bólmesiniń janynda arnaýly bólme daiyndalǵan. Iaǵni, ekpe salynǵan adamnyń oqshaýlanýyna jaǵdai jasalǵan. Sol bólmede olar 30 minýt meditsina mamandarynyń baqylaýynda bolady. Odan keiin de 3 kún boiy baqylaýǵa alynady. Osy jumystardyń aiasynda vaktsinany ázirlegen óndiris oryndarynyń tarapynan kútilgen reaktsiialardy baiqadyq. Ekpe alǵan adamdardyń arasynda 415 reaktsiia jaǵdaiy tirkelip otyr. Olardyń barlyǵy - kútilgen jaǵdailar. 267 jaǵdaida deneniń del-saldyǵy men azdaǵan qyzýmen sipattalady. Mundai jaǵdaida qandai da bir em-dom jasaýdyń qajeti joq», - dedi Ainagúl Qýatbaeva.
