Qazaqstanda koronavirýsqa shaldyǵý 36 paiyzǵa tómendedi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Búkil álemde KVI-diń 230 mln-nan astam jaǵdaiy tirkeldi. Táýligine 300 myńnan astam jaǵdai tirkelip jatyr, 4,7 mln-nan astam adam qaza tapty. DDSU Eýropalyq óńiriniń málimetterine sáikes, sońǵy 2 aptada 54 eldiń 22-sinde aýrý ósimi baiqalady. Sońǵy 14 kúnniń ishinde aýrýdyń eń joǵary ósimi Ýkrainada baiqalyp, onda 1 apta ishinde virýs juqtyrý 100 paiyzdan astamǵa, Polsha, Vengriia, Moldovada 77 paiyzǵa, Armeniia, Túrkiia, Belarýsta 16-dan 30 paiyzǵa deiin ósti», - dedi Aleksei Tsoi.
Onyń dereginshe, koronavirýs juqtyrý kórsetishi DDSU eýropalyq óńirlik biýrosyna kiretin 32 elde tómendegen. Atap aitqanda, Ispaniiada – 57, Shveitsariia, Frantsiia jáne Ázerbaijanda – 40, Qyrǵyzstanda – 36, Grýziiada – 32, Italiiada – 28, Izrailde – 21, Germaniiada 18 paiyzǵa azaiǵan.
«Qazaqstanda da naýqastaný kórsetkishiniń tómendegeni baiqalyp, sońǵy 2 aptada aýrý juqtyrý kórsetkishi 36 paiyzǵa tómendedi», - dedi ministr.
Aleksei Tsoidyń aitýynsha, 1 tamyzdan bastap elimizde infektsiialyq tósek-oryndar júktemesi 56-dan 33 paiyzǵa, reanimatsiialyq tósek-oryn júktemesi 45-ten 32 paiyzǵa tómendedi. Respýblikada 57 kovidtik statsionar jabyldy.
