Qazaqstanda koronavirýs juqtyrǵandar sany artyp keledi. Eń kóp jaǵdai Almaty men Astanada tirkeldi, dep habarlaidy "Ult aqparat" Stan.kz aqparat agenttigine silteme jasai otyryp.
Densaýlyq saqtaý ministrligi sanitarlyq-epidemiologiialyq baqylaý komitetiniń habarlaýynsha, Qazaqstanda ótken jyldyń jeltoqsan aiymen salystyrǵanda 2024 jyldyń qańtarynda koronavirýs juqtyrǵandar sany 2,5 esege ósti. Jeltoqsanda – 187, al qańtarda – 477 jaǵdaiǵa deiin ósti. Jańa jaǵdailardyń eń kóp deregi Almaty (143) men Astanada (74) tirkeldi.
"2024 jyldyń 26 qańtary men 1 aqpany aralyǵynda bir apta ishinde respýblikada COVID-19+ infektsiiasynyń 144 jáne COVID-19- infektsiiasynyń 11 jaǵdaiy tirkeldi. Aýrý dereginiń 26 jaǵdaiǵa óskeni baiqaldy. Sondai-aq jańa jaǵdailardyń eń kóp deregi Almaty (37) men Astanada (21) tirkeldi", - delingen habarlamada.
Qazaqstannyń barlyq óńirleri "jasyl" aimaqqa endi. Juqpaly aýrýlar tósekteriniń toltyrylýy 1 paiyzdy qurap, úsh naýqas statsionarda emdelip jatyr.
"Shekteý sharalaryn engizý josparda joq. Sonymen qatar sońǵy aida koronavirýsqa, JRVI men tumaýǵa shaldyqqandar sanynyń artýyna bailanysty adamdar kóp jinalatyn jerlerde, qoǵamdyq kólikte jáne meditsinalyq uiymdarǵa barǵan kezde jáne naýqaspen bailanysta bolǵanda betperde kiiý usynylady", - delingen habarlamada.
Aita keteiik, buǵan deiin Májiliste meditsinalyq maska taǵý mindetteldi. Mundai sheshim parlamenttiń tómengi palatasynyń spikeri Erlan Qoshanov pen taǵy basqa birneshe depýtat koronavirýs juqtyryp alǵannan keiin qabyldanǵan bolatyn.
