Qazaqstanda ulttyq standart engizildi. Oǵan sáikes avtokólikterdiń memlekettik nómirine falsifikatsiiadan (jalǵan) qorǵaýǵa arnaiy jáne qosymsha elementter qosylady, - dep habarlaidy Massaget.kz portaly.
"QazStandart" QTRM MTI baspasóz hatshysy Ásel Esmaǵanbetovanyń aitýynsha, biyl 1 qyrkúiekten bastap QR ST 986-2022 ulttyq standarty qoldanysqa engizilgen.
"Onda avtokólik nómirleri men olarǵa arnalǵan blankilerge qoiylatyn talaptar jazylǵan, olarda qoldan jasaýdan (jalǵan) qorǵaý úshin qajetti arnaiy jáne qosymsha elementteri bolýy kerek. Standart memlekettik tirkeý belgilerindegi qaripterge, sandarǵa jáne qorǵaý elementterine qoiylatyn tehnikalyq talaptardy birizdendirýdi qamtamasyz etedi", - delingen vedomstvo habarlamasynda.
Politsiia qyzmetkerleri nómirlerdiń túpnusqa ekenin teksere alatyn biregei DMC-kodtaryn qoldaný qosymsha qaýipsizdik elementterine jatqyzylǵany aityldy.
"Arnaiy qorǵanys elementterin nómirdiń betinen himiialyq jolmen nemese fizikalyq áser etý arqyly alyp tastaýǵa bolmaidy jáne ol nómirde saqtalýy tiis", - dedi baspasóz qyzmeti ókilderi.
QR ST 986-2022 engizý ónim óndirý baǵasynyń ózgerýine, sondai-aq memlekettik biýdjetten qosymsha shyǵyndarǵa ákep soqpaityny túsindirildi.
