Shyǵys Qazaqstan oblysynyń politseileri kólik nómiri kórinbei qalǵan júrgizýshilerge qansha aiyppul salynatyndyǵyn aityp berdi, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, kóliktegi memlekettik tirkeý nómiri Qazaqstan Respýblikasynyń ulttyq standartynyń talaptaryna sáikes bolýy tiis.
«Kólik nómirindegi sandar men áripterge basqa jazý men «3D» simvol túrindegi elementterdi jabystyrýǵa ruqsat berilmeidi. Bul nómirdiń kolorimetriialyq sipattamalarynyń standartyn buzý bolyp sanalady. Sondai-aq kólik qozǵalysy kezinde nómir qar men kirden tazalanyp turýy shart», - delingen aqparatta.
Eger kólik nómiri kórinbei qalsa júrgizýshige QR ÁQBtK-niń 590-baby 1-bóligi boiynsha 5 ailyq eseptik kórsetkish mólsherinde (14 585 teńge) aiyppul salynady.
