2020 jyly qoǵamdyq tamaqtandyrý salasyndaǵy kásipkerler sany 95 myńnan 27 myńǵa azaidy. Bul týraly QR Bas memlekettik sanitarlyq dárigeri Erlan Qiiasovtyń Almatyǵa sapary barysynda belgili boldy, dep habarlaidy "Ult aqparat".
Almaty qalasynda issaparmen júrgen QR Bas memlekettik sanitarlyq dárigeri Erlan Qiiasov «Qoǵamdyq baqylaý jáne monitoring» RQB basshysy Saida Taýkelevamen, QR Qoǵamdyq tamaqtaný qaýymdastyǵynyń basshysy Gúlbaný Maiǵarinamen jáne «Azamattyq saraptama ortalyǵy» jobasynyń basshysy Rústem Amangeldimen kezdesti.
Kezdesý barysynda Almaty qalasyndaǵy koronavirýs infektsiiasy boiynsha epidemiologiialyq jaǵdai talqylandy. Sondai-aq, qoǵamdyq tamaqtaný kásiporyndarynyń qyzmetine qoiylǵan shekteý máseleleri talqylandy. Qaýymdastyq atalǵan salanyń jumysyn birtindep qalpyna keltirýge baǵyttalǵan usynystar jasady.
Qazir qoǵamdyq tamaqtandyrý salasynda eńbekke qabiletti halyqtyń shamamen 23% jumys isteidi, olardyń 85% áleýmettik az qamtylǵan topqa jatady. Ekonomikanyń bul sektory pandemiia kezinde úlken zardap shekkenderdiń qatarynda. Ashyq aqparat kózderinen alynǵan málimetter boiynsha, 2020 jyly qoǵamdyq tamaqtandyrý salasyndaǵy kásipkerler sany 95-ten 27 myńǵa deiin azaidy.
Bas memlekettik sanitarlyq dáriger koronavirýs infektsiiasynyń taralý dinamikasyna qoǵamdyq oryndar tikelei áser etetin atap ótti. KVI basqa respiratorlyq-virýstyq aýrýlarǵa qaraǵanda adamǵa juǵý qaýpi joǵary. Sondyqtan qoǵamdyq tamaqtaný oryndary osyny eskergeni jón. Kelýshiler de, kafe qyzmetkerleri de zardap shegedi, olar da koronavirýs infektsiiasynyń tasymaldaýshysy bolýy múmkin.
Osyǵan bailanysty Erlan Qiiasov «Qoǵamdyq baqylaý jáne monitoring» RQB-niń nysannyń aýmaǵyna bailanysty kelýshiler sanyn shekteýdi qaita qaraý jónindegi usynysyn sanitarlyq-gigienalyq talaptardy, josparlaýdy jáne ózgesin eskere otyryp qaita qaraýdy talap etetinin atap ótti.
Sondai-aq, «qyzyl» aimaqtaǵy tez tamaqtanatyn meiramhana, ashana, fastfýdtardyń jumys rejimin uzartý jónindegi usynys ta qaralatyn boldy. Olar alkogol ónimin satpaidy, kelýshi tek tamaq ishe alady.
Qoǵamdyq tamaqtandyrý kásiporyndary «Ashyq» platformasyna qosylsa, nátijesi mynadai bolady:
a) retteýshimen birigip jumys isteýge daiyn, zańǵa baǵynatyn kásipkerlerdi irikteidi;
b) qonaqtardyń sanyn jáne tamaqtanǵan ýaqytyn baqylaidy;
v) retteýshi sanitariialyq normalar men talaptardyń oryndalýyna onlain monitoring júrgizýdi jolǵa qoiady;
«Qoǵamdyq tamaqtandyrý jáne qoǵamdyq baqylaý qaýymdastyǵy» memlekettik sanitarlyq dárigerler belgilegen qaýipsizdik talaptarynyń saqtalýy men oryndalýyna ári qarai járdemdesetin bolady.
