Foto: ashyq derekkóz
Qazaqstanda Kitaphanashylar kúnin atap ótý tártibine ózgeris engizildi. Endi kásibi mereke 23 sáýirge belgilendi. Bul kún Memleket basshysy Qasym-Jomart Toqaevtyń bastamasymen bekitilgen Ulttyq kitap kúnimen sáikes keledi, dep habarlaidy Ult.kz.
Merekelerdiń osylaisha bir kúnge toǵysýy onyń mán-mańyzyn arttyra túsip, kitaphanalardyń bilim taratý men mádeni murany saqtaýdaǵy orny erekshe ekenin aiqyndaidy.
Jańa kúnniń belgilenýi kitap mádenietiniń qoǵamdyq jáne kásibi mańyzyn ushtastyryp qana qoimai, is-sharalardy joǵary deńgeide uiymdastyrýǵa múmkindik beredi.
Qazirgi tańda Qazaqstanda 12 myńǵa jýyq kitaphana jumys isteidi. Bul salada 20 myńnan astam maman eńbek etedi.
Aita keteiik, bul kún IýNESKO bekitken Halyqaralyq kitap jáne avtorlyq quqyq kúnimen de sáikes keledi.
