Foto: ©️ Tengrinews.kz / Turar Qazanǵapov
Ekologiia jáne tabiǵi resýrstar ministrligi kiikterdi qalai joiý josparlanyp otyrǵanyn túsindirdi, - dep habarlaidy Tengrinews.kz saity.
OKQ-da ótken brifingte jýrnalister Orman sharýashylyǵy jáne janýarlar dúniesi komiteti tóraǵasynyń orynbasary Andrei Kimnen kiikter qalai joiylatynyn surady.
"Qatygezdikpen atý týraly sóz bolmaidy, janýarlardy turaqty paidalaný týraly aityp otyrmyz. Bir kezderi aqbóken búkil Qazaqstan halqyna paida ákeldi, ol boiynsha tutas ańshylyq jolǵa qoiyldy. Búginde ministrliktiń mindeti aqbókender sanyn saqtaý jáne qalpyna keltirý boldy, osy maqsatqa jettik. Áńgime olardy joiyp jiberý týraly emes. Atý usynylmaidy, biraq qorada (zootehnikalyq jáne veterinarlyq óńdeý úshin buǵy aidalatyn qurylym. - esekrtý) ustaý ádisi usynylady - tor qaqpan qoldanylady. Osylaisha belgili bir sany alynady", - dedi ol jýrnalisterdiń suraqtaryna jaýap berip.
Onyń aitýynsha, jyl saiyn ǵylymi uiymdar kvota – ustalatyn shekti anyqtaidy.
"Ańshylyq maqsatta árbir túr alynady, iaǵni turaqty paidalaný jalpy tabiǵatqa ziian keltirilmeitinin jáne popýliatsiia sany turaqty bolyp qalatynyn bildiredi. Aqbókenderge keletin bolsaq, bul - tuiaqtylardyń eń kóp taralǵan túri. Eger Qazaqstandaǵy barlyq tuiaqty janýarlardyń jalpy sanyn qosatyn bolsaq, bul - shamamen 200 myń bas, al aqbókender - 3 millionǵa jýyq", - dep túsindirdi ol.
