Qazaqstanda janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy bastaldy, dep habarlaidy "Ult aqparat".
Jobanyń maqsaty janýarlarǵa jaýapkershilikpen qaraýdy qalyptastyrýǵa baǵyttalǵan volonterlik bastamalar men jobalardy damytý. Birqatar is-sharalardy iske asyrý janýarlarǵa jaýapty ielik etýdi jáne olarǵa izgilikti qaraýdy qalyptastyrýdy qamtamasyz etýge múmkindik beredi.
«Qazaqstan Eriktiler ligasy» QQ joba menedjeri Alfiia Haibýlinanyń aitýynsha, kún saiyn iesiz janýarlar sany kóbeiip keledi.
«Iri megapolisterde olardyń sany myńǵa jetýi múmkin. Olardyń bireýi úisiz dúniege keldi, bireýi joǵaldy, al bireýi «jaqsy qojaiyndar» qýyp shyqty. Kóptegen qalalarda úisiz janýarlarǵa arnalǵan baspanalar bar, biraq olar óte az, sonymen qatar jem, dári-dármekter, qarjylyq jáne aqparattyq qoldaý qajet. Olarǵa qarajat qana emes, sonymen birge baspanalar men úisiz janýarlarǵa kómektesýge daiyn adamdar, eriktiler kerek, - deidi ol.
Joba aiasynda Nur-Sultan qalasynyń aýmaǵynda úisiz jáne joǵalǵan janýarlarǵa arnalǵan qyzmettiń jumysyn uiymdastyrý, volonterlerdi janýarlarǵa kútim jasaýǵa jáne ýaqtyly kómek kórsetýge úiretý, veterinariiaǵa, kinologiiaǵa, zoopsihologiiaǵa oqytý, janýarlardyń baspanalaryna kómek kórsetý, zoovolonterlyqty damytý jáne tanymal etý, sondai-aq úzdik praktikalar jinaǵyn qalyptastyrý josparlanýda janýarlardyń baspanalaryna kómek kórsetý jáne úzdik tájiribeler jinaǵyn qalyptastyrý josparlanýda.
Sonymen qatar, shaǵyn granttar baiqaýy ótkiziledi, onda árqaisysy 500 myń teńgeden 5 grant oinatylady. Bul volonterlik qyzmetti yntalandyrýǵa jáne azamattyq bastamalardy qoldaýǵa óz septigin tigizbek.
«Birgemiz: Ayala» jobasyn iske asyrý barysynda janýarlarǵa jaýapkershilikpen qaraýdy qalyptastyrý boiynsha usynystar qabyldanady. Joba qorytyndysy boiynsha el turǵyndarynyń barlyq ótinishteri men tilekterin eskere otyryp, halyqtyń janýarlarǵa degen jaýapkershiligin qalyptastyrý boiynsha usynymdar ázirlenip, ýákiletti organdarǵa jiberiletin bolady.
Janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy QR Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty sheńberinde iske asyrylady.
