Qazaqstanda karantin talaptaryn saqtamaǵan nysan ielerine 1 mlrd teńgeniń aiyppuly salynǵan, dep habarlaidy QazAqparat.
Aita ketsek, buǵan deiin Erlan Qiiasov óńir ákimdikteriniń janynda 1556 monitoring toby jumys júrgizip jatqanyn málim etken edi. Karantin sharalaryn álsiretkeli beri (17 tamyzdan 8 jeltoqsanǵa deiin) 53 489 reid jasalyp, 215 977 nysan tekserilgen. 18 903 nysannyń ieleri tártip buzǵan.
«Tártip buzý faktileriniń kóbi - Túrkistan oblysynda (3 279), Almaty oblysynda (3 121), Qostanai oblysynda (1 758), ShQO (1598), Almaty (1584) jáne Nur-Sultan qalasynda (1 341) tirkeldi. Osy tártip buzý faktilerine bailanysty 1 milliard teńgeniń 15 268 aiyppuly salyndy. Odan bólek, maska jáne áleýmettik aralyq rejimin saqtamaǵany, epidemiiaǵa qarsy sharalardy, jumys rejimin saqtamai jáne buqaralyq sharalardy ótkizýge bailanysty 1,3 mlrd teńge aiyppul salyndy», - dedi Erlan Qiiasov.
