Merki orman sharýashylyǵynda bir jarym jyl ishinde fototuzaqqa segiz qar barysy túsken, dep habarlaidy "Ult aqparat".
Orman sharýashylyǵy ókilderiniń atýynsha, qar barysy alǵash ret 2018 jyldyń qysynda tirkelgen.
«Reid kezinde biz qar barsynyń urǵashysyn uialy telefonnyń kamerasyna túsirip aldyq. Ol alandarymen birge júrdi. Bul týraly biz BUU Damý baǵdarlamasyna habarladyq, olar bul faktige qyzyǵýshylyq tanytty. Óitkeni qar barysy Jambyl oblysynda buryn-sońdy kezdespegen. Sóitip, «qyzyl kitapqa» enetin sirek janýardyń bizdiń sharýashylyqta da ómir súretinin bildik», - deidi Merki orman sharýashylyǵy direktorynyń orynbasary Azat Erensiz.
Azat Erensizdiń aitýynsha, orman sharýashylyǵynyń aýmaǵynda barystar jii paida bola bastaǵandyqtan 11 fototuzaq ornatyldy.
«Búgingi kúni Merki orman sharýashylyǵynda fototuzaqtardy eki maman baqylaidy. Qar barysy 10 kún saiyn sýretke jáne videoǵa túsip qalady. Alandarymen jii túsetin boldy», - deidi ol.
Aldaǵy ýaqytta orman sharýashlyǵy «qyzyl kitapqa» engen janýarlardy baqylaý úshin SMART kameralaryn qoldanbaqshy.
