2021 jylǵy 1 naýryzdaǵy jaǵdai boiynsha 14 086 sheteldik azamat jergilikti atqarýshy organdardyń ruqsaty boiynsha Qazaqstan Respýblikasynyń aýmaǵynda eńbek qyzmetin júzege asyryp jatyr, dep habarlaidy "Ult aqparat".
«Sheteldik jumys kúshin (ShJK) tartýǵa berilgen ruqsattardyń ishinde mynadai sanattar bar: birinshi sanat – 637 (basshylar jáne olardyń orynbasarlary), ekinshi sanat – 3 214 (qurylymdyq bólimshelerdiń basshylary). Tartylǵan ShJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady, iaǵni tiisinshe 7 236 jáne 590 adam. Sondai-aq maýsymdyq jumystarǵa – 689 adam, al korporativtik aýystyrý aiasynda 1 720 adam tartylǵan», - delingen Eńbek ministrligi málimetinde.
Qazirgi ýaqytta Qazaqstanda sheteldik jumys kúshin paidalanatyn 1 762 jumys berýshi bar. Olarda shamamen 487 myń Qazaqstan azamaty jumys isteidi, bul jalpy jumysshylar sanynyń 97 paiyzyn quraidy.
Eńbekshi migranttar shyǵatyn negizgi elder kelesi: Qytai – 3 613 adam, Túrkiia – 1 484 adam, Úndistan – 1 106 adam, Vengriia – 1002 adam, Ózbekstan – 654 adam.
Esterińizge sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi. 2021 jyly kvota mólsheri jumys kúshine shaqqanda 0,31%-dy nemese 29,3 myńdy qurady.
