9 qańtardan bastap keibir ákimshilik quqyq buzýshylyqtar úshin salynatyn aiyppuldardyń mólsheri tómendetildi, - dep habarlaidy "Ult aqparat" Astana qalalyq IID baspasóz qyzmetine silteme jasap. Qazaqstan Respýblikasynyń Ákimshilik quqyq buzýshylyqtar týraly kodeksine túzetýler engizilgeni belgili.
Zańmen QRÁQBtK ákimshilik quqyq buzýshylyqtardyń 40 quramy boiynsha ákimshilik aiyppuldardyń mólsheri tómendetildi.
Mysaly, eger de buryn Qazaqstan Respýblikasynyń zańnamalyq aktisine sáikes mindetti saqtandyrý kelisimshartyn jasasýǵa mindetti tulǵa mindetti saqtandyrý kelisimshartyn jasasýdan jaltarǵany úshin 20 AEK aiyppul salynǵan bolsa, qazir mindetti saqtandyrý kelisimshartyn jasasýdan jaltarǵany úshin 10 AEK mólsherinde aiyppul qarastyrylǵan.
Búginde múgedekterdiń kólik quraldaryn qoiýǵa arnalǵan oryndarǵa qoiǵany úshin aiyppul mólsheri 50 AEK-dan 10 AEK nemese 24 050 teńgege deiin tómendetildi. Ótken jyly júrgizýshiler osy erejeni buzsa 113 450 teńge ákimshilik aiyppul tóleitin edi.
Sonymen qatar, buryn jaiaý júrginshiler jáne basqa da jol qozǵalysynyń qatysýshylary qozǵalys erejesin buzǵany úshin 5 AEK (11 345 teńge) aiyppul salynǵan bolsa, qazirgi kezde 2 AEK (4 810) mólsherinde aiyppul qarastyrylǵan.
Ákimshilik jaza salynǵannan keiin bir jyldyń ishinde qaitadan jasalǵan jaiaý júrginshiler jáne basqa da jol qozǵalysy qatysýshylarynyń qozǵalysyna basymdyqtar bermegeni úshin jazalaý ózgerdi. Buryn ol úshin 20 AEK mólsherinde aiyppul qarastyrylǵan, qazirgi ýaqytta - 15 AEK.
Saǵatyna 10 shaqyrymnan 20 shaqyrymǵa deiin jyldamdyqty arttyrǵany úshin (ÁQBtK 592-baby 1-bóligi) aiyppul 10 AEK-dan 5 AEK deiin tómendetildi, saǵatyna 20 shaqyrymnan 40 shaqyrymǵa deiin jyldamdyqty arttyrǵany úshin (ÁQBtK 592-baby 1-bóligi) aiyppul 15 AEK-dan 10 AEK tómendetildi, 40 shaqyrymnan joǵary jyldamdyqty arttyrǵany úshin (ÁQBtK 592-baby 3-bóligi) aiyppul 30 AEK-dan 20 AEK tómendetildi, osy baptyń 2,3-bólikterinde qarastyrylǵan is-áreketi, iaǵni ákimshilik jaza salynǵannan keiin bir jyldyń ishinde qaitadan jasaǵany úshin (ÁQBtK 592-baby 4-bóligi) aiyppul 40-tan 30 AEK deiin tómendetildi.
QR ÁQBtK 592-baby 1-bóligi boiynsha qaitalanýshylyq qarastyrylmaǵan. Budan basqa, ÁQBtK 811-baby 1-bóliginiń jańa redaktsiiasyna sáikes (ákimshilik quqyq buzýshylyqtar týraly is boiynsha qysqartylǵan is júrgizý tártibi) eger de avtomat rejimde jumys isteitin, sertifikattalǵan arnaiy baqylaý-ólsheý tehnikalyq quraldary jáne aspaptarmen jazyp alynǵan ákimshilik quqyqbuzýshylyqty tulǵa belgilengen úlgidegi túbirtekpen aiyppuldy tóleý qajettiligi týraly uiǵarymdy tiisinshe jetkizgen ýaqyttan bastap jeti táýlik ishinde aiyppul somasynyń elý paiyz mólsherindegi aiyppuldy tóleýge quqyly.
