Koronavirýstyń Qazaqstan aýmaǵynda taralýyna jol bermeý maqsatynda aptasyna 49 halyqaralyq turaqty reis toqtatylyp, 84 halyqaralyq reis qysqartyldy, dep habarlaidy "Ult aqparat" QR Indýstriia jáne infraqurylymdyq damý ministrligine silteme jasap.
Elimizde tótenshe jaǵdaidyń jariialanýyna bailanysty jáne koronavirýstyń taralýyna jol bermeý maqsatynda 16 naýryz kúni saǵat 08: 00-den bastap shetel azamattarynyń Qazaqstanǵa kelýine jáne emdeýge baratyndardy qospaǵanda, Qazaqstan azamattarynyń shet memleketterge ketýine tyiym salynady. Sondai-aq, 49 halyqaralyq turaqty reis toqtatylyp, 84 halyqaralyq reis qysqartyldy.
Vedomstvo habarlaǵandai, Qazaqstan Respýblikasy men Qytai Halyq Respýblikasy arasyndaǵy barlyq turaqty áýe reisteri,Tegeran-Almaty baǵyty boiynsha QR men Iran arasyndaǵy barlyq turaqty áýe reisteri, Nur-Sultan-Baký turaqty reisi, «Lufthansa» áýe kompaniiasynyń Frankfýrt – Almaty jáne Frankfýrt – Almaty-Nur-Sultan baǵyttary boiynsha 7 turaqty reisi osy jyldyń 24 sáýirine deiin, Nur-Sultan – Parij baǵyty boiynsha Qazaqstan Respýblikasy men Frantsiia arasyndaǵy barlyq turaqty áýe reisteri toqtatylady.
Sondai-aq, myna reister :
• Qazaqstan Respýblikasy men Ońtústik Koreia arasyndaǵy 6 reis («Eir Astana»: Almaty – Seýl baǵyty boiynsha 5-ten 1 reiske deiin jáne Nur-Sultan – Seýl baǵyty boiynsha 2-den 1 reiske deiin; «Asiana Airlines»: Almaty – Seýl 2 baǵyty boiynsha 1 reiske deiin);
• Qazaqstan men Ázerbaijan arasyndaǵy aptasyna 9 reis («Eir Astana»: Almaty – Baký baǵyty boiynsha aptasyna 3 – ten 1 reiske; «SCAT»: Aqtaý – Baký baǵyty boiynsha 7-den 1 reiske; «Azerbaijan Airlines»: Baký-Almaty baǵyty boiynsha 2-den 1 reiske);
• Qazaqstan men Japoniia arasyndaǵy Nur-Sultan-Tokio («SCAT») baǵyty boiynsha aptasyna 2-den 1 reiske deiin qysqartyldy.
«Áýe reister reisteriniń toqtatylýyna bailanysty sheteldik áýe kompaniialarǵa biletterdi aiyppulsyz jáne tolyq kólemde qaitarý usynyldy. Áýe biletterdi qaitarýdy resimdeý úshin jolaýshylarǵa olardy satyp alý orny boiynsha habarlasý qajet. Áýe kompaniialardyń koronavirýstyń taralý deńgeii joǵary elderge áýe reisterine qoiylǵan shekteýler ýaqytsha jáne virýstyń taralýy boiynsha jaǵdai jaqsarǵan kezde elder arasynda turaqty áýe qatynasy qalpyna keltiriledi», - delingen habarlamada.
Eske sala ketsek, buǵan deiin biyl 16 naýryzynan bastap Germaniia, Ulybritaniia, Niderlandy, Túrkiia, Ýkraina, Belarýs, Birikken Arab Ámirlikteri, Grýziia, Úndistan, Majarstan, Chehiia, Polsha elderine qazaqstandyq (Eir Astana, SCAT) jáne sheteldik (Turkish Airlines, Pegasus Airlines, Fly Dubai, Etihad Airways, Air Arabia, Wizz Air, LOT Polish Airlines, Belavia) áýe tasymaldaýshylarynyń aptasyna 68 turaqty reisi qysqartylǵany týraly jazǵan bolatynbyz.
