Qazaqstanda er adamdardyń ailyq tabysy áielderge qaraǵanda 22% kóp. Bul týraly Energyprom jazdy, dep habarlaidy QazAqparat.
Aqparat resýrsy biyl eldegi áielderdiń ortasha nominaldy ailyǵy qansha bolǵanyn eseptep, erlerdiń ailyǵymen salystyrǵan.
«Biyl áielderdiń ortasha nominaldy jalaqysy 202,3 myń teńge boldy. Salystyrsaq, erlerdiń kórsetkishi 246,3 myń teńgege jetken. Birdei salada jumys isteitin erler áielderge qaraǵanda 21,7% joǵary jalaqy alady. Ásirese balyq aýlaý jáne akva sharýashylyqta (70,7%), qarjy jáne saqtandyrý qyzmetinde (46,6%), ákimshilik jáne qosalqy qyzmet kórsetý salasynda (31,2%), taý-ken ónerkásibinde (27,2% aiyrmashylyq joǵary», - dep jazylǵan taldaýda.
Tabys teńsizdigin basqa quraldar arqyly óteý úshin «Otbasy Banktiń» «Umai» ipotekasyn iske qosqany da aitylady. Bul shara Aziia damý bankiniń qoldaýymen iske asyp otyr.
Budan ári Energyprom «Umai» baǵdarlamasyn eldegi ekinshi deńgeili bankteri usynatyn nesie ónimderimen salystyrǵan.
Aita keteiik, Qazaqstan biyl genderlik teńdiktiń jahandyq reitinginde 156 memleket arasynan 80-shi orynǵa taban tiredi.
«Reitingide Qazaqstannan joǵary turǵan elderdiń ishinde Ýkraina men Belarýs te bar. Ázirge genderlik teńdik deńgeii boiynsha Qazaqstan Reseimen birge Tailand pen Tanzaniia arasynda qalyp otyr», - dep jazady Energyprom.
