Foto: parlam.kz
Eńbek jáne halyqty áleýmettik qorǵaý ministri Svetlana Jaqypova Qazaqstanda eń tómengi jalaqy jańa ádispen anyqtalatynyn aitty, - dep habarlaidy Tengrinews.kz.
Ministr 2024 jyly eń tómengi jalaqyny anyqtaýdyń jańa ádistemesi ázirlenetinin atap ótti.
"Bul ádistemeniń negizgi alǵysharttary – ortasha jalaqy men eńbek ónimdiligi qoldanylady. Búginge deiin bolmaǵan nárse. Tiisinshe, ETJ Qazaqstanda qandai ónimdilik, ortasha jalaqy qandai bolatynyna bailanysty bolady", - dedi Jaqypova.
Ol Memleket basshysy 1 qyrkúiektegi Parlament palatalarynyń birlesken otyrysynda 2024 jyly eń tómengi jalaqyny 85 myń teńgege deiin arttyrýdy tapsyrǵanyn eske saldy.
"Bul jumys oryndaldy, respýblikalyq biýdjet týraly zańda qarajat kózdelgen jáne kelesi jyldan bastap ETJ 85 myń bolady. Kelesi jyly ony ázirlep, soǵan sáikes birge talqylaimyz. Ázirleýge seriktesterimiz de qatysady - bul jumys berýshiler qaýymdastyǵy, kásipodaqtar, qyzmetkerlerdiń ózderi", - dep túiindedi ol.
