Foto: Halyq Uni
Qazaqstanda eń tómengi jalaqy mólsheri ósti, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
"1 qańtardan bastap Memleket basshysynyń tapsyrmasyn iske asyrý maqsatynda Qazaqstanda eń tómen jalaqy mólsheri (budan ári – ETJ) 70 000 teńgeden 85 000 teńgege deiin ulǵaityldy.
QR Eńbek kodeksine sáikes jumys berýshiler jumyskerlerge eńbekaqyny ETJ-dan tómen bolmaityn deńgeide qamtamasyz etýge mindetti. Nátijesinde 85 myń teńgege deiin jalaqy alatyn túrli menshik nysanyndaǵy kásiporyndardyń barlyq salasynda jumys isteitin 1,8 mln-ǵa jýyq jaldamaly jumyskerdiń, onyń ishinde biýdjet salasyndaǵy 350 myń qyzmetkerdiń aqshalai kiristeri ósedi.
Birinshi kezekte ETJ arttyrý «jalaqysy tómen» qyzmetkerlerge qatysty bolady. Ekinshiden, jalaqy deńgeiin belgileý kezinde ETJ kórsetkishin paidalanatyn jumys berýshiler razriadaralyq biliktilik júiesin eskere otyryp, qyzmetkerlerdiń basqa sanattarynyń jalaqysyn qaita qaraityn bolady" - delingen habarlamada.
Esterińizge sala keteiik, ETJ eńbek salasyndaǵy eń tómen áleýmettik standart bolyp tabylady jáne jyl saiyn tiisti qarjy jylyna sáikes «Respýblikalyq biýdjet týraly» QR Zańymen belgilenedi.
