1 qazan kúni Qazaqstanda dástúrli formattaǵy halyq sanaǵy bastalady. Oǵan onlain sanaqtan ótpegender qatysa alady, dep habarlaidy QazAqparat.
Ulttyq halyq sanaǵy respýblika boiynsha on jylda bir ret ótkiziledi. Biylǵy sanaq elimiz táýelsizdik alǵaly beri úshinshi ret ótkizilip otyr.
Biylǵy sanaqtyń basty jańashylyqtarynyń biri – sanaqtyń dástúrli jáne onlain formatta ótýi boldy. 1 qyrkúiek pen 15 qazan aralyǵynda onlain rejimde ózdiginen saýalnama paraqtaryn toltyrý múmkindigi bolady. Júie táýligine 24 saǵat qoljetimdi bolady, respondentter sanaqqa qatysý úshin ózine yńǵaily ýaqytty tańdai alady, saitta blank toltyrýdy toqtatyp, keiinnen jalǵastyra alady.
Odan basqa, Egov platformasynda elektrondyq tsifrlyq qoltańba arqyly jáne Aitu mobildi qosymshasy arqyly, sanaq.gov.kz saity arqyly sanaqtan ótýge bolady. Sanaq.gov.kz júiesi táýligine 24 saǵat qoljetimdi bolady.
Al dástúrli ulttyq sanaq onlain rejimde sanaqtan ótpegen turǵyndar úshin 1-30 qazan aralyǵynda ótedi. Dástúrli sanaqtyń jańashylyqtary – interviýerdiń elektrondy planshetterdi paidalanýy, zamanaýi tsifrlyq tehnologiianyń enýi men úrdisterdiń avtomattanýy bolmaq. Bul derekter sapasyna adam faktorynyń yqpalyn azaitady jáne derekterdiń bazaǵa tolyq enýine múmkindik beredi.
Halyq arasyndaǵy saýalnama júrgizetin interviýerler úshin mindetti talap – jeke basyn kýálandyratyn qujat pen beidjdiń bolýy, sýreti, aty-jóni, berilgen kúni, qoldaný merzimi aýmaqtyq statistika organynyń qolymen jáne mórimen rastalǵan bolýy tiis. Halyq sanaǵy belgisi bar kók tústi sharf pen portfel bolýy kerek.
Sanaq barysynda respýblika turǵyndary úshin 1446 biryńǵai koll-ortalyǵy jumys isteidi. Oǵan statsionarlyq jáne uialy telefonnan qońyraý shalý tegin.
