1 قازان كٷنٸ قازاقستاندا دەستٷرلٸ فورماتتاعى حالىق ساناعى باستالادى. وعان ونلاين ساناقتان ٶتپەگەندەر قاتىسا الادى, دەپ حابارلايدى قازاقپارات.
ۇلتتىق حالىق ساناعى رەسپۋبليكا بويىنشا ون جىلدا بٸر رەت ٶتكٸزٸلەدٸ. بيىلعى ساناق ەلٸمٸز تەۋەلسٸزدٸك العالى بەرٸ ٷشٸنشٸ رەت ٶتكٸزٸلٸپ وتىر.
بيىلعى ساناقتىڭ باستى جاڭاشىلىقتارىنىڭ بٸرٸ – ساناقتىڭ دەستٷرلٸ جەنە ونلاين فورماتتا ٶتۋٸ بولدى. 1 قىركٷيەك پەن 15 قازان ارالىعىندا ونلاين رەجيمدە ٶزدٸگٸنەن ساۋالناما پاراقتارىن تولتىرۋ مٷمكٸندٸگٸ بولادى. جٷيە تەۋلٸگٸنە 24 ساعات قولجەتٸمدٸ بولادى, رەسپوندەنتتەر ساناققا قاتىسۋ ٷشٸن ٶزٸنە ىڭعايلى ۋاقىتتى تاڭداي الادى, سايتتا بلانك تولتىرۋدى توقتاتىپ, كەيٸننەن جالعاستىرا الادى.
ودان باسقا, Egov پلاتفورماسىندا ەلەكتروندىق تسيفرلىق قولتاڭبا ارقىلى جەنە Aitu موبيلدٸ قوسىمشاسى ارقىلى, sanaq.gov.kz سايتى ارقىلى ساناقتان ٶتۋگە بولادى. Sanaq.gov.kz جٷيەسٸ تەۋلٸگٸنە 24 ساعات قولجەتٸمدٸ بولادى.
ال دەستٷرلٸ ۇلتتىق ساناق ونلاين رەجيمدە ساناقتان ٶتپەگەن تۇرعىندار ٷشٸن 1-30 قازان ارالىعىندا ٶتەدٸ. دەستٷرلٸ ساناقتىڭ جاڭاشىلىقتارى – ينتەرۆيۋەردٸڭ ەلەكتروندى پلانشەتتەردٸ پايدالانۋى, زاماناۋي تسيفرلىق تەحنولوگييانىڭ ەنۋٸ مەن ٷردٸستەردٸڭ اۆتوماتتانۋى بولماق. بۇل دەرەكتەر ساپاسىنا ادام فاكتورىنىڭ ىقپالىن ازايتادى جەنە دەرەكتەردٸڭ بازاعا تولىق ەنۋٸنە مٷمكٸندٸك بەرەدٸ.
حالىق اراسىنداعى ساۋالناما جٷرگٸزەتٸن ينتەرۆيۋەرلەر ٷشٸن مٸندەتتٸ تالاپ – جەكە باسىن كۋەلاندىراتىن قۇجات پەن بەيدجدٸڭ بولۋى, سۋرەتٸ, اتى-جٶنٸ, بەرٸلگەن كٷنٸ, قولدانۋ مەرزٸمٸ اۋماقتىق ستاتيستيكا ورگانىنىڭ قولىمەن جەنە مٶرٸمەن راستالعان بولۋى تيٸس. حالىق ساناعى بەلگٸسٸ بار كٶك تٷستٸ شارف پەن پورتفەل بولۋى كەرەك.
ساناق بارىسىندا رەسپۋبليكا تۇرعىندارى ٷشٸن 1446 بٸرىڭعاي كولل-ورتالىعى جۇمىس ٸستەيدٸ. وعان ستاتسيونارلىق جەنە ۇيالى تەلەفوننان قوڭىراۋ شالۋ تەگٸن.
