Karantinniń jeńildeýine qaramastan, koronavirýs indetimen kúres áli de jalǵasýda. Koronavirýs indetiniń alǵashqy kúnderinen bastap meditsina qyzmetkerleri árdaiym aldyńǵy qatarda jáne myńdaǵan adamdardyń ómiri úshin kúres júrgizýde. Bul indet kezinde meditsina qyzmetkerleri óz otbasylary men balalarynan alys qalýda. QR Mádeniet jáne sport ministrligi dárigerlerdiń balalaryn qoldaý maqsatynda «Paidaly bos ýaqyt» mádeni bilim berý jobasyn júzege asyrýda, dep habarlaidy "Ult aqparat".
«Meditsina qyzmetkerleriniń eńbegi – naǵyz erlik. Tótenshe jaǵdai, shamadan tys júkteme, birneshe saǵattyq aýysym, juqtyrǵandar arasynda qiyn jumys. Biraq eń bastysy – koronavirýs indeti kezinde meditsina qyzmetkerleri óz otbasylary men balalarynan alys qalýda. Bul synaq meditsina qyzmetkerleriniń balalaryna da ońai bolǵan joq. Karantin kezinde mektepter, úiirmeler men damý ortalyqtary jumysyn ýaqytsha toqtatqanyn eskerer bolsaq, dárigerlerdiń balalary erekshe nazar aýdarýdy qajet etedi», - deidi QR Mádeniet jáne sport ministrligindegiler.
Dárigerlerdiń balalaryn qoldaý zamanymyzdyń batyrlaryna kómektesýdiń tiimdi tásilderiniń biri. Dál osyndai joba QR Mádeniet jáne sport ministrliginiń bastamasymen júzege asyrylýda. «Igilik úshin bos ýaqyt» atty jańa mádeni-bilim berý jobasy aiasynda búkil eldegi meditsina qyzmetkerleriniń balalary onlain rejiminde tegin bilim alýda.
Baspasóz qyzmetinde habarlanǵandai, balalar óner jáne sport salasyndaǵy pánderin oqýda. Balalarǵa keskindeme, akterlik sheberlik, dombyra, gitara, fortepiano, estradalyq án, skripka, erkin kúres, boks, dziýdo, gimnastika, toǵyzqumalaq siiaqty kóptegen pánder usynylǵan.
«Osyndai jan-jaqty tańdaýdyń arqasynda dárigerlerdiń balalary karantindik demalys kezinde bai mádeni demalyspen qamtamasyz etilgen dep senimdi túrde aita alamyz», - delingen QR Mádeniet jáne sport ministrliginiń baspasóz habarlamasynda.
Arnaiy joba úshin bilim alýdyń yńǵailylyǵy men oqýshylardyń avtorizatsiiasynyń jedeldigin qamtamasyz etetin jalpyǵa qoljetimdi bilim berý platformasy quryldy.
Joba aiasynda elimizdiń ártúrli oblystary men óńirlerinen 9-15 jas aralyǵyndaǵy 186 oqýshy bilim alýda. Onlain formattaǵy ózin-ózi damytýmen balalar toptyq jáne jeke onlain sabaqtarda ainalysa alady. Oqýshylar tanymdyq sheberlik sabaqtaryna belsendi qatysady. Sheberlik sabaqtaryn kóptegen óner jáne sport mamandary ótkizdi. Olardyń ishinde: QR Halyq ártisi, Qazaqstannyń Eńbek Eri Aiman Musaqojaeva, Baǵym Muhitdenova, Ermahan Ibraimov, Eldos Smetov, Ánýar Sadyqova, Baian Qajnabieva, Maqsat Medeýbek jáne t. b. óner jáne sport qairatkerleri bar.
«Igilik úshin bos ýaqyt» jobasy dárigerler men olardyń balalary arasynda birden oń baǵalandy. Joba týraly óziniń pikirlerin eldiń ártúrli aimaqtarynan dárigerler jiberedi. Meditsinalyq ata-analar joba oqytýshylaryna ár balanyń yntasy men qoldaýy úshin, balalardyń shyǵarmashylyq jáne sporttyq áleýetin ashýǵa kómekteskeni úshin alǵys bildirýde. Balalar, óz kezeginde, sabaqtar týraly jaǵymdy áserlerimen bólisýde.
Ministrlikte atap ótkendei, «Paidaly bos ýaqyt» jobasynyń kómegimen mádeniet jáne sport qairatkerleri myńdaǵan qutqarylǵan ómirleri úshin dárigerlerge óz rizashylyqtaryn bildirip, olardy qoldaýǵa tyrysady. Osylaisha, koronavirýs indeti dárigerler men mádeniet jáne sport qyzmetkerlerin biriktirýde. Balalardy qoldaý, árine, kún saiyn el azamattarynyń densaýlyǵy úshin erlik jasaityn ata-analarynyń jumysyna jaǵymdy áser etedi.
