- 2016 jyldyń birinshi jartyjyldyǵynda sybailas jemqorlyqtyń 1 644 faktisi anyqtaldy. Bul týraly «QazAqparat» agenttigine QR Sybailas jemqorlyqqa qarsy is-qimyl ulttyq biýrosy Tergeý departamentiniń basshysy Sergei Perov málim etti.
«2016 jyldyń birinshi jartyjyldyǵynda sybailas jemqorlyqtyń 1 644 faktisi anyqtaldy. Atalmysh faktiler boiynsha qozǵalǵan 1 038 qylmystyq is sotqa jiberildi», - delingen agenttiktiń resmi saýalyna berilgen jaýapta.
2016 jyldyń birinshi jartyjyldyǵynda tirkelgen qylmystardyń quramy mynadai: senip tapsyrylǵan bóten múlikti iemdenip alý - 238, alaiaqtyq - 63, jalǵan kásipkerlik - 8, is júzinde jumystar oryndalmai, qyzmetter kórsetilmei, taýarlar tiep-jóneltilmei shot-faktýra jazýmen bailanysty áreketter jasaý - 2, qylmystyq jolmen alynǵan aqshany jáne ózge múlikti zańdastyrý - 4, ekonomikalyq kontrabanda - 1, laýazymdyq ókilettilikterdi teris paidalaný - 462, bilikti nemese laýazymdyq ókilettikterdi asyra paidalaný - 14, kásipkerlik qyzmetke zańsyz qatysý - 4, zańdy kásipkerlik qyzmetke kedergi jasaý - 5, para alý - 377, para berý - 114, paraqorlyqqa deldal bolý - 15, qyzmettik jalǵandyq jasaý - 323, qyzmettegi áreketsizdik - 4, bilikti teris paidalaný - 10 qylmys.
«Sybailas jemqorlyq sanatyndaǵy aiaqtalǵan qylmystyq ister boiynsha memleketke keltirilgen zalaldyń jalpy kólemi 9,5 mlrd teńge», - dep jazady Ulttyq biýro.
