Qazaqstanda beibit jinalystarda bolatyn jýrnalist qyzmetiniń qaǵidalary bekitildi, dep habarlaidy "Ult aqparat".
QR Aqparat jáne qoǵamdyq damý ministri Aida Balaeva qol qoiǵan buiryqtyń qosymshasyna sáikes, jýrnalist beibit jinalystarda buqaralyq aqparat quraly úshin habarlamalar men materialdardy jinaý, olardy óńdeý jáne daiyndaý boiynsha óz qyzmetin Jedel baspasóz ortalyǵynyń ornynda (aýmaǵynda) da, odan tys jerlerde de júzege asyrady. Jýrnalisterdi Jedel baspasóz ortalyǵyna alyp barý, olarǵa beibit jinalystyń uiymdastyrýshylary men qatysýshylarynan suhbat, kommentariiler alýǵa járdemdesý, jýrnalisterdiń qaýipsizdigin qamtamasyz etýge baǵyttalǵan sharalardy túsindirý maqsatynda jergilikti atqarýshy organ beibit jinalysty ótkizý ýaqytynda óz ókiliniń qatysýyn qamtamasyz etedi. Jýrnalisterge olardyń kásibi qyzmetin júzege asyrýǵa kedergi keltiretin adamdar Qazaqstan Respýblikasynyń zańdarynda kózdelgen jaýaptylyqta bolady.
Keýdeshe, jeńdegi tańǵysh, japsyrma jýrnalistiń aiyrym belgileriniń nysandary bolyp sanalady. Kórsetilgen aiyrym belgilerin taǵyp júrý kezinde olardyń anyq kórinýin qamtamasyz etý qajet.
Keýdesheniń aldynda jáne arqasynda kóldeneń boiynsha eni keminde 20 millimetr jaryq shaǵylystyratyn eki jolaq tigiledi. Keýdesheniń aldyńǵy jáne artqy jaǵynda jaryq shaǵylystyratyn jolaqtardyń ústine «PRESS» degen jazý ornalasady. Jazýdyń ólshemi: «PRESS» - áriptiń biiktigi aldyńǵy bóliginde keminde 40 millimetr, arqasynda – keminde 60 millimetr, áriptiń eni keminde 50 millimetr, qariptiń qalyńdyǵy keminde 12 millimetr. Jazý latyn áripterimen jazylady, kúmis tústi jaryq shaǵylystyratyn matadan «Arial» qaripimen jasalady.
Jeńdegi tańǵysh qanyq sary tústi bolady, ortasynda «PRESS» degen jazý ornalasady. Jazýdyń ólshemi: «PRESS» - áriptiń biiktigi keminde 40 millimetr, áriptiń eni keminde 30 millimetr, qariptiń qalyńdyǵy keminde 12 millimetr. Jazý latyn áripterimen jazylady, qara tústi «Arial» qaripimen jasalady.
Japsyrma - eni keminde 280 millimetr, biiktigi keminde 100 millimetr tikburysh nysanynda bolady. Reńiniń túsi – kók. Ortasynda «PRESS» degen jazý ornalasady. Jazýdyń ólshemi: «PRESS» - áriptiń biiktigi keminde 40 millimetr, áriptiń eni keminde 30 millimetr, qariptiń qalyńdyǵy keminde 12 millimetr. Jazý latyn áripterimen jazylady, kúmis tústi jaryq shaǵylystyratyn matadan «Arial» qaripimen jasalady.
