«Aýyl» partiiasynyń tóraǵasy, QR Parlamenti Senaty depýtaty Áli Bektaev halyqty azyq-túlikpen qamtamasyz etý jáne baǵa turaqtylyǵyn saqtaýǵa qatysty pikir bildirdi, dep habarlaidy QazAqparat.
«Azyq-túlik tapshylyǵy men baǵa turaqtylyǵyn saqtaý úshin aldymen ortadaǵy deldaldardy qurtý kerek. Óitkeni, aýyl sharýashylyǵy ónimin óndirýshilerden taýardy alyp, naryqqa shyǵaratyn negizinen solar. Ony bazarda otyryp satatyn da deldaldar. Ekinshi joly, burynǵydai tutyný kooperatsiiasy júiesin qaita engizý. Iaǵni halyq tutynatyn azyq-túlik bir ortalyqtan, bir baǵamen satýǵa múmkindik jasaý kerek. Óz basym sonda ǵana azyq-túlik tapshylyǵy men baǵanyń ósýin tejeýge bolady. Ol úshin bizde múmkindik bar. Osy oraida búginde Saýda ministrligi óńirlerde kóterme saýda ortalyqtarynyń negizin qalap jatyr. Onyń ishinde azyq-túlikte bar. Endigi maqsat - qolǵa alǵan sharany tiianaqty atqaryp, aiaǵyna jetkizý», - dedi Áli Bektaev.
Sondai-aq, Senat depýtaty azyq-túlikke qatysty taǵy máseleniń basyn ashyp kórsetti.
«Búginde elimizde azyq-túlikti saqtaý problemasy bar. Bizde aýyl sharýashylyǵy ónimderi jáne daiyn azyq-túlikti saqtaityn qoimalar jetispeidi. Qoima bar bolsa da ol standartqa tolyq sáikes kelmei jatady. Sonyń saldarynan ónimniń birazy shirip, jaramsyz bolyp qalady. Onyń arty taýar tapshylyǵyna jáne tiisinshe baǵanyń ósýine alyp keledi. Osy sátte ortaǵa deldaldar kirip, baǵany ósirip jiberedi. Azyq-túlikti saqtaýmen qatar ony jetkizý de - aitýly másele», - deidi ol.
Onyń aitýynsha, elimizde azyq-túlik tapshylyǵyn boldyrmaý men baǵanyń ósýine jol bermeýge zań turǵysynan tolyq múmkindik bar.
