«QazAvtoJol» UK» AQ qyzmetkerleri Túrkistan oblysyna jumys sapary barysynda Túrkistan, Shymkent jáne Jambyl óńirleriniń ákimdigimen, shaǵyn, orta jáne iri biznes sýbektilerimen jiyn ótkizdi. Bul jóninde kompaniianyń baspasóz qyzmeti habarlady.
Kezdesý barysynda servis nysandaryn damytý, olardy ulttyq standart talaptaryna sáikestendirý, jol boiyndaǵy keshenderge jer bólý, qajetti kommýnikatsiialardy ótkizý jáne «QazTransGaz» AQ-men birlesip jol boiynda gaz quiý beketterin salý máseleleri talqylandy.
Qazirgi tańda Túrkistan oblysyndaǵy jol boiynda qyzmet kórsetetin 158 nysannyń tek 32%, al Jambyl oblysy boiynsha 61 nysannyń 41% ulttyq standarttarǵa sai. Jospar boiynsha QR gaz tartylǵan óńirlerinde 100 avtogaz toltyrý kompressorlyq stantsiiasynyń qurylysy kózdelgen. Onyń janynda kemping, qonaq úi, saýda oryndaryn, tehnikalyq qyzmet kórsetý stansasyn, avtokólikterdi jýý oryndaryn, zamanaýi dárethanalardy, jeńil jáne júk avtokólikterine arnalǵan turaqtardy ornatady. Sonymen qatar, dizeldi otyndy gazǵa aýystyrý arqyly kólik shyǵyndary azaiyp, ekologiialyq taza metan esebinen atmosferaǵa tigizetin ziiannyń kórsetkishi tómendeidi.
Jiynnyń nátijesi boiynsha óńir basshylyǵyna jol boiyndaǵy servisterdiń qazirgi jaǵdaiyn jaqsartý, usynylatyn qyzmetterdiń sapasyn arttyrý tapsyryldy.
Eske salsaq, «QazAvtoJol» UK» AQ men «QazTransGaz» AQ Qazaqstanda tabiǵi gazdy motor otyny retinde paidalanýdyń óndirý-ótkizý infraqurylymyn damytý máselesi boiynsha memorandýmǵa qol qoiǵan bolatyn.
Memorandýmnyń máni – taraptar birlesken jobalardyń, onyń ishinde halyqaralyq «Batys Eýropa - Batys Qytai» avtojolynyń qazaqstandyq ýchaskesinde jáne respýblikalyq mańyzdaǵy avtojoldarda kólikke gaz quiý beketteri bar jol boiyndaǵy servisterdiń qurylysyn júzege asyrý týraly seriktestik.
