Qazaqstanda halyqty áleýmettik qorǵaý júiesinde jumys isteitin 11 myńnan astam adamdy aýqymdy testileý aiaqtaldy. Bul týraly Eńbek jáne áleýmettik qorǵaý ministrligi habarlady.
Áleýmettik qyzmetkerler, meditsinalyq-áleýmettik mekemeler men halyqty jumyspen qamtý ortalyqtarynyń direktorlary, úide áleýmettik kómek kórsetý bólimsheleriniń meńgerýshileri, áleýmettik jumys jónindegi mamandar men konsýltanttar, jumyspen qamtý ortalyqtarynyń assistentteri men konsýltanttary bilimderi men quzyretterin baǵalaýdan ótti.
QR Eńbek jáne halyqty áleýmettik qorǵaý vitse-ministri Erlan Áýkenovtiń tóraǵalyǵymen ótken jiynda Áleýmettik jumystyń basym máseleleri jónindegi vedomstvoaralyq keńestiń kezekti otyrysynda Áleýmettik jumys jónindegi ulttyq resýrstyq ortalyqtyń ókilderi áleýmettik qyzmetkerlerdi testileý qorytyndylaryn tanystyrdy.
Testileý 2020 jylǵy qarashadan bastap 2021 jylǵy naýryzǵa deiin 2 kezeńde ótti: negizgi testileý jáne ótý balyn ala almaǵandar úshin qaita ótkizý. Atalǵan is-sharanyń maqsaty – áleýmettik qyzmetkerlerdiń bilimin baǵalaý jáne arnaýly áleýmettik qyzmetter men ataýly áleýmettik kómek kórsetý sapasyn arttyrý. Bilim men quzyrettilikti baǵalaýǵa barlyǵy 11,6 myń adam qatysty.
Testileýden ótýge 140 minýt bólindi. Osy ýaqyt ishinde áleýmettik qyzmetkerler jalpy 13 suraqqa (saýalnamalyq derekterdi qalyptastyrý úshin), zańnamany, kásibi etika normalaryn jáne praktikalyq daǵdylardy bilýge arnalǵan 65 suraqqa jaýap berýge, sondai-aq jeke erekshelikterin, kommýnikativtik quzyrettilikterin, emotsiialyq intellekt deńgeiin jáne emotsiialyq kúizelisti anyqtaýǵa baǵyttalǵan psihologiialyq test tapsyrýǵa tiis boldy.
«Áleýmettik qyzmetkerlerdiń 91% - y ótý balyn jinady. Mundai testileý el aýqymynda alǵash ret ótkizilip otyrǵandyqtan, Eńbek jáne halyqty áleýmettik qorǵaý ministrligi ótý balyn jinai almaǵan tulǵalarǵa canktsiialar qoldanbaǵan, olar úshin oqytý seminarlary men qaita testileý uiymdastyryldy», – dep atap ótti Erlan Áýkenov.
Is-sharany uiymdastyrýshylardyń aitýynsha, áleýmettik qyzmetkerlerdiń bilimin tekserýden basqa, testileý olar týraly málimetter bazasyn qurýǵa, osy sanattyń mártebesin arttyrý jáne áleýmettik qyzmet kórsetý júiesin jetildirý boiynsha usynystar jinaýǵa múmkindik berdi.
