Qazaqstandyqtardyń sandary da, sonymen qatar áripteri de birdei kóliktiń ádemi nómirin tańdap alýyna múmkindik týdy, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasynyń baspasóz qyzmetine silteme jasap.
«Azamattarǵa arnalǵan úkimet» korporatsiiasynyń Ishki ister ministrligimen birge 15 qańtardan bastap osyndai qyzmetti iske qosty.
Qazaqstandyq avtojúrgizýshiler memlekettik korporatsiianyń front-ofisteri arqyly simmetriialyq nómir belgilerin tańdai alady. Bul úshin azamattar mamandandyrylǵan halyqqa qyzmet kórsetý ortalyqtarynda (HQO) ótinimderin rásimdep, memlekettik alymdy tóleýleri tiis.
«2014 jyldan bastap avtokólik ieleri el arasynda «aina nómir» dep atalatyn simmetriialyq nómirlerdi satyp alý múmkindigine qol jetkizgen edi. Endi azamattar aqyly túrde sandar men áripterdi óz qalaýynsha qiystyryp ala alady», delingen habarlamada.
Mysaly, tilek bildirýshiler 010, 020, 030, 077, 707 siiaqty joǵary suranysqa ie nómirlerge AEK-tiń 5 700% kóleminde tóleidi, al osyndai tańdaýly sandarǵa qosa áripterdiń de simmetriialy bolǵanyn qalasańyz, onyń quny - AEK-tiń 11 400% kóleminde.
Aita keterligi, 2017 jyly jalpy somasy 1,5 mlrd teńgege 4 500-den astam tańdaýly nómir satylǵan.
Sondai-aq, eger azamattyń qalaǵan nómirlik belgisi bazada bolmasa, onda qajetti memlekettik alymdy tólep, mamandandyrylǵan HQO arqyly tapsyrys berýge bolady.
