Qazaqstanda adamnyń immýndyq mártebesi týraly aqparat qamtylǵan QR kod engiziledi. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Pandemiia bastalǵannan beri 1 jylǵa jýyq ýaqyt ótti. Jinaqtalǵan tájir i be negizinde áreket etý qajet. Birqatar el qazirdiń ózinde belgili bir shekteýler engizý úshin negizgi kriterii retinde halyqtyń immýndyq mártebesin qarastyryp otyr», - dedi Memleket basshysy.
Osy rette Qasym-Jomart Toqaev Qazaqstanda ekonomikalyq jáne sanitarlyq sharalardyń balansy negizinde jańa naqtylyq qurý qajettigin basa aitty.
«Bul úshin bizde otandyq IT kompaniialardyń naqty ázirlemeleri de bar. Úkimetke «Atameken» ulttyq kásipkerlik palatasymen birlesip, bir ai merzim ishinde epidemiiaǵa qarsy sharalarǵa teńgerimdi ádisti qamtamasyz etý maqsatynda immýndyq mártebe týraly aqparat qamtylǵan QR kod engizý máselesin pysyqtaý tapsyrylady», - dedi QR Prezidenti.
