QR IIM Kriminaldyq politsiia departamentiniń basshysy Dýman Taev Qazaqstandaǵy adam saýdasy qylmysynyń tergelý barysyn baiandady, dep habarlaidy QazAqparat.
«Qazaqstanda jyl saiyn 80-ge jýyq turǵyn adam saýdasynyń qurbany bolady. Jyl saiyn adam saýdasyna qatysty 180-ge jýyq is qozǵalady. Mundai qylmys karantin kezinde de tirkelip jatty jáne odan qazaqstandyqtar da, shetel azamattary da zardap shegedi. Zardap shekken sheteldikter arasynda Ortalyq Aziia elderiniń azamattary kóp», - dedi departament basshysy ministrlik uiymdastyrǵan aptalyq brifingte.
Sonymen birge, ótken jyly eki uiymdasqan qylmystyq toptyń zańǵa qaishy áreketi áshkerelengen.
«Sońǵy jyldary shetelge seksýaldyq quldyqqa 15 adamnyń shyǵarylǵany anyqtaldy. Ótken jyly eki uiymdasqan qylmystyq toptyń zańǵa qaishy áreketi kesildi. Onyń biri adam múshelerin tasymaldaýdy uiymdastyrǵan, al ekinshisi – jezókshelikti uiymdastyryp, jeńgeitailyqpen ainalysqan. Sońǵy jyldary bizdiń azamattardy Bahreinge, Túrkiiaǵa jáne Ońtústik Koreiaǵa seksýaldyq quldyqqa aparý kanaldary kesildi. Bizde syrtqy jáne ishki adam trafigi máseleleri kezigedi», - dedi Dýman Taev.
