Qazaqstanda 6 myń qandastyń oralman mártebesi uzartyldy. Bul týraly Ishki ister ministrliginiń Kóshi-qon politsiiasy basqarmasynyń bastyǵy Ǵani Shymyrbaev málim etti, dep habarlaidy QazAqparat.
«Qandastardyń qazirgi ýaqytta betpe-bet kelip otyrǵan problemalaryna toqtalyp óteiin. Qazirgi tańda oralmandar jergilikti atqarýshy organdar arqyly oralman kýáligin alyp, turaqty turý yqtiiarhatyn alady. Odan keiin bir jyl kólemi ishinde azamattyqty almai, oralman kýáliginiń merzimi ótip ketedi. Sol sebepten, osy problemalyq máselelerdi sheshý úshin IIM bastamasymen birneshe ret QR Prezident Ákimshiligine hat joldanǵan bolatyn. Osydan keiin oralman kýáliginiń merzimi ótken, oralman mártebesin uzartý jáne jeńildetilgen tártipte QR azamattyǵyn berý jóninde jumystardy júrgizý tapsyryldy. Atalmysh jumys 2019 jyldyń 31 jeltoqsanyna deiin sozylady», - dedi Ǵani Shymyrbaev elordada «Sheteldegi otandastardy memlekettik qoldaý týraly» QR zań jobasyn talqylaý barysynda.
Kóshi-qon politsiiasy basqarmasynyń bastyǵy búgingi tańda osy tapsyrmanyń oryndalyp jatqanyn atap ótti. Iaǵni, elimizdiń aýmaqtaryndaǵy barlyq etnikalyq qazaqtarǵa merzimi qai kezde ótkenine qaramastan oralman mártebesin uzartý boiynsha bir rettik respýblikalyq aktsiia júrgizilýde.
«Búgingi kúni jergilikti atqarýshy organdar arqyly oralman mártebesi 5988 etnikalyq qazaqqa uzartyldy. Onyń ishinde 5235-i ishki ister organdary arqyly QR azamattyǵyn qabyldady», - dedi Ǵani Shymyrbaev.
Aita ketsek, búgin «Otandastar qory» kommertsiialyq emes aktsionerlik qoǵamy janyndaǵy Qoǵamdyq komissiiasy «Sheteldegi otandastardy memlekettik qoldaý týraly» Qazaqstan Respýblikasy Zań jobasyn talqylady. Jiyn barysynda «Otandastar qory» sheteldegi qandastarǵa Qazaq kartasyn Qazaqstannyń basqa memleketterdegi elshilikteri arqyly berýdi usyndy .
