Qazaqstanda amerikalyq kapitaldyń qatysýymen 560-tan astam kompaniia tabysty jumys isteýde. Bul týraly QR Syrtqy ister ministriniń orynbasary Aqan Rahmetýllin aitty, dep habarlaidy QazAqparat.
«AQSh – Qazaqstan ekonomikasynyń ekinshi iri investory ekenin atap ótkim keledi. Qazaqstanda amerikalyq kapitaldyń qatysýymen 560-tan astam kompaniia tabysty jumys istep jatyr. Saýda-ekonomikalyq jáne ǵylymi-tehnikalyq kooperatsiiany odan ári nyǵaitý joldary da búgingi otyrysta talqylanýda. Pikir almasý jolymen biz elimizdegi saiasi reformalardy, demokratiialandyrý men adam quqyqtaryn saqtaýdy qarastyrdyq jáne aldaǵy ýaqytta da qarastyratyn bolamyz», - dedi Aqan Rahmetýllin Qazaqstan men AQSh arasyndaǵy Keńeitilgen strategiialyq áriptestik jónindegi komissiia otyrysynan keiingi brifingte.
Onyń aitýynsha, qazaqstandyq tarap amerikalyq áriptestermen birge S-5+1 dialogy Ortalyq Aziiadaǵy yntymaqtastyqty nyǵaitýdyń mańyzdy quraly bolyp qala beredi degen pikirde.
«Kelesi jyly biz ózara saiasi jáne ekonomikalyq bailanystardyń osyndai joǵary qarqynyn joǵary deńgeide ustap turýǵa niettimiz. Amerikalyq seriktesterimizge elimizge saparlaǵany úshin, sharalarǵa belsendi qatysqany úshin alǵys aitamyz», - dedi Rahmetýllin.
Aita keteiik, búgin QR Syrtqy ister ministriniń orynbasary Aqan Rahmetýllin men AQSh Memlekettik hatshysynyń kómekshisi Donald Lýdyń tóraǵalyǵymen Qazaqstan men AQSh arasyndaǵy Keńeitilgen strategiialyq áriptestik jónindegi komissiia otyrysy ótti.
