15 jylda elimizde 40 303 avtokólik urlanǵan. Bul týraly Senattyń jalpy otyrysynda senator Lázzat Súleimen málim etti, dep habarlaidy "Ult aqparat".
Aita keteiik, jalpy otyrysta «2005 jylǵy 25 qarashadaǵy Táýelsiz Memleketter Dostastyǵyna qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaitarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratifikatsiialaý týraly» Zańy qabyldandy.
«Hattama Táýelsiz Memleketter Dostastyǵy aýmaǵynda urlanǵan avtokólik ieleriniń quqyqtaryn qorǵaýdy qamtamasyz etýge, qylmystyq qolsuǵýshylyqqa qarsy is-qymyl júiesin jetildirýge baǵyttalǵan.
Ishki ister ministrliginiń aqparatyna sáikes, sońǵy 15 jylda elimizde 40 303 avtokólik urlanǵan, onyń ishinde 26 079-y (64,7%) tabylyp, ielerine qaitarylǵan, 14 224-i (35,2%) tabylmaǵan. Urlanǵan avtokólikterdiń 223-i TMD elderinde tabylyp, onyń 66-sy elimizge qaitarylǵan (29,5%). Sondai-aq, bizdiń elimizde osyndai 233 avtokólik tabylyp, 84-i (36%) TMD elderine qaitaryldy», - dedi senator.
Onyń aitýynsha, 2020 jyly elde urlanǵan 2121 kóliktiń ishinen 547 urlyq jáne aidap ketý faktileri boiynsha qylmystyq esepke qoiyldy, 412-si ielerine qaitaryldy, al qalǵan 1162-si qarjy piramidalary jáne alaiaqtyq boiynsha tergelip jatqan qylmystyq ister aiasynda esepke qoiyldy («Garant 24 Lombard», «EЅTATE Lombard» jáne «tiimdi qaryz berý»). Osy ister boiynsha barlyq avtokólikter sot sheshiminen keiin qylmystyq esepten shyǵarylady.
