Qazaqstanda taǵy 2 440 adamnyń koronavirýs testi oń shyqty.
Beisenbi kúni Almatyda – 717, Nur-Sultanda – 446, Almaty oblysynda – 254, Qaraǵandy oblysynda – 169, Aqtóbe oblysynda – 116, Atyraý oblysynda 149 naýqas tirkeldi.
Batys Qazaqstan oblysynda – 110, Aqmola oblysynda – 101, Shymkent qalasynda – 72, Shyǵys Qazaqstan oblysynda – 49, Qostanai oblysynda – 33, Jambyl oblysynda – 38, Qyzylorda oblysynda – 43, Pavlodar oblysynda – 38, Soltústik Qazaqstan oblysynda – 49, Túrkistan oblysynda – 23, Mańǵystaý oblysynda 33 adamnan koronavirýs anyqtalǵan.
Sondai-aq, 9 sáýirdegi málimet boiynsha, 30 219 adam koronovirýs infektsiiasynan (29 429 KVI+ jáne 790 KVI-) emdelip jatyr.
Olardyń ishinde 11 376 patsient - statsionarda, 18 843 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 517 adamnyń jaǵdaiy aýyr;
• 163 patsienttiń jaǵdaiy óte aýyr;
• 87 naýqas ÓJJ apparatynda jatyr.
Densaýlyq saqtaý ministrliginiń málimetinshe, 7 sáýirde 104 adamǵa koronavirýs pnevmoniiasy diagnozy qoiylǵan. Sársenbi kúni 22 adam ólimi tirkelgen. 19 adam – koronavirýstan, 3 adam koronavirýs pnevmoniiasynan qaitys boldy dep aitylady.
Biliktiń málimetinshe, indet bastalǵaly beri 263 943 adamnyń koronavirýs testi oń shyqqan. 2020 jyldyń 1 tamyzynan beri 51 159 adam koronavirýs pnevmoniiasyna shaldyqqan, 721 adam ólimi tirkelgen.
Densaýlyq saqtaý ministrligi koronavirýs pen koronavirýs pnevmoniiasyna shaldyqqandardy bólek eseptep keledi. Byltyr maýsym men shilde ailarynda indet ýshyǵyp, ókpe aýrýyna shaldyqqandar kóbeigen shaqta ministrlik koronavirýs pnevmoniiasy men pnevmoniiaǵa shaldyqqandardy ajyratýdyń qiyndyǵyn alǵa tartqan. Tek tamyzdan bastap koronavirýs pnevmoniiasyna jeke kod berilip, jalpy pnevmoniiadan bólek esepke alyna bastady.
Byltyrdan beri 3190 adam koronavirýstan qaitys boldy dep aitylady.
