Qazaqstanda 2025 jyly azamattardyń ómir súrý uzaqtyǵyn 75 jasqa deiin arttyrý kózdelip otyr.
Bul týraly búgin QR DSM Qoǵamdyq densaýlyq saqtaý ulttyq ortalyǵynyń basqarma tóraǵasy Jámila Battaqovanyń tóraǵalyq etýimen «Salaýatty ómir saltyn qalyptastyrýdyń jańa tásilderi boiynsha 2022-2025 jyldarǵa arnalǵan Ulttyq joba» tujyrymdamasynyń jobasyn talqylaýǵa arnalǵan onlain-keńeste málim boldy.
Jiynda Jámila Battaqova QDS UO jáne QR Densaýlyq saqtaý ministrligi ázirlegen «Salaýatty ómir saltyn qalyptastyrýdyń jańa tásilderi boiynsha 2022-2025 jyldarǵa arnalǵan Ulttyq joba» tujyrymdamasymen tanystyrdy.
Tujyrymdamanyń basym baǵyty retinde durys tamaqtaný, temeki shegý jáne ishimdik ishýdi azaitý, dene belsendiligin arttyryp, densaýlyq saqtaýdy damytý, psihikalyq jáne reprodýktivti densaýlyqty saqtaý, jaraqat alýdy azaitý, áleýmettik jeliler arqyly halyqty densaýlyq saqtaýǵa shaqyrý, ÚEU-ǵa kómek kórsetý, densaýlyq saqtaý baǵdarlamalaryn jáne epidqadaǵalaýdy engizý siiaqty máseleler ataldy.
Qujatta kórsetilgen mindetter sátimen júzege asyrylsa, 2025 jylǵa qarai azamattardyń ómir súrý uzaqtyǵyn 75 jasqa deiin arttyryp, salaýatty ómir saltyn ustanatyn azamattar sanyn 5%-ǵa deiin ulǵaitý, juqpaly emes aýrýlardy 7%-ǵa deiin tómendetý, halyqtyń densaýlyq saqtaý salasyndaǵy saýattylyǵyn - 70 % arttyrý, artyq salmaǵy bar jáne semizdikke shaldyqqan balalar úlesin 10% tómendetý, tuzdy tutynýdy táýligine 5 gramǵa deiin azaitý siiaqty jetistikterge jeýge bolady.
Keńeske qatysýshylar QR Salaýatty ómir saltyn qalyptastyrýdyń jańa tásilderin dáripteý boiynsha Ulttyq joba tujyrymdamasyna ózderiniń usynystaryn engizdi.
