Qazaqstanda 2020 jyly onkologiiaǵa shaldyqqandar 11,4% tómendedi, dep habarlaidy "Ult aqparat" QR Densaýlyq saqtaý ministrligine silteme jasap.
2020 jyldyń qorytyndysy boiynsha respýblikada 100 myń turǵynǵa shaqqanda qaterli isikpen syrqattaný 173,5-g ejetken. Absoliýtti túrde 32 526 jańa jaǵdai anyqtaldy. Syrqattanǵandar sany 11,4% tómendedi. Bul týraly «Qazaq onkologiia jáne radiologiia ǵylymi-zertteý institýty» AQ basqarma tóraiymy, QR DSM bas onkology, QR UǴA akademigi, m.ǵ. d. Diliara Qaidarova habarlady.
«2020 jyly onkologiialyq naýqastar kontingenti 190 159 naýqasty qurady. Onkologiialyq aýrýlar qurylymynda birinshi orynda sút bezi obyry - 13,2%, ekinshi orynda ókpe obyry – 10,4%, úshinshi orynda kolorektaldy qaterli isik 9,6%. Aýyrǵandardyń 56% eńbekke qabiletti jastaǵy adamdar», - dedi D.Qaidarova.
Onkologiialyq naýqastardyń elektrondyq tirkeliminiń derekteri boiynsha qaterli isikterden bolatyn ólim-jitim kórsetkishi 2020 jyly 100 myń turǵynǵa shaqqanda 75,5 nemese 14 150 jaǵdaidy qurady. Ólim-jitimniń tómendeýi 0,7% qurady. Ólim-jitim qurylymynda birinshi orynda - ókpe obyry - 16,4%, ekinshi orynda-asqazan obyry nemese 11,5%, úshinshi orynda - kolorektaldy qaterli isik 10,7% jáne sút bezi obyry - 7,8%.
QR DSM Bas onkology Qazaqstanda onkologiialyq kómekti jetildirý Qazaqstannyń ensaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń jáne Qazaqstandaǵy onkologiialyq aýrýlarmen kúres jónindegi 2018-2022 jyldarǵa arnalǵan keshendi jospardyń mindetterin iske asyrý sheńberinde júzege asyrylyp jatqanyn eske saldy.
Eresek turǵyndarǵa onkologiialyq kómekti respýblikalyq uiymdar – «Qazaq onkologiia jáne radiologiia ǵylymi-zertteý institýty» AQ (QazORǴZI), «Ulttyq ǵylymi onkologiialyq ortalyq» AQ kórsetedi, óńirlerde - 15 onkologiialyq dispanser/ortalyq, 5 onkologiialyq bólimshe jáne 452 onkologiialyq kabinet júzege asyrady, Jambyl oblysynyń Taraz qalasynda jańa onkologiialyq ortalyqtyń qurylysy aiaqtalýda.
