Foto: inbusiness.kz
Densaýlyq saqtaý ministrligi jiti respiratorlyq virýsty infektsiialar men tumaýdyń statistikasyn jariialady, dep habarlaidy Sputnik Qazaqstan.
Densaýlyq saqtaý vitse-ministri – bas memlekettik sanitarlyq dárigeri Aijan Esmaǵambetovanyń aitýynsha, Qazaqstanda epidemiologiialyq maýsym bastalǵaly (2022 jylǵy 1 qazannan bastap) respiratorlyq virýsty infektsiiany 2,2 million adam, al tumaýdy 2 284 adam juqtyrǵan.
Sonyń ishinde V tumaýy basym bolyp tur. Oǵan 2002 adam shaldyqqan. A(H3N2, gonkong shtamy) tumaýyn 14 adam, al shoshqa tumaýyn 268 adam juqtyrdy.
"Aýyrǵandardyń 65 protsenti - 14 jasqa deiingi balalar. Jiti respiratorlyq virýsty infektsiialar jáne tumaý maýsymy jyl saiyn qazan-sáýir ailarynda ótedi. Osy epidemiologiialyq maýsym tumaý virýsynyń ainalymynyń erte bastalýymen erekshelendi. Byltyrǵy sáikes kezeńmen salystyrǵanda JRVI-men syrqattanýshylyq 10%-ke ósti", - dedi Esmaǵambetova ortalyq kommýnikatsiialar qyzmetinde ótken brifingte.
Aita keteri, H1N1 – bul A tumaýynyń bir túri. Ony shoshqa virýsy dep ataidy. Oǵan shaldyqqan adamdardyń 50 protsentinde virýsty pnevmoniia bolady.
