Qazaqstanda taǵy 1809 adamnyń koronavirýs testi oń shyqty, 7 adamǵa koronavirýs pnevmoniiasy diagnozy qoiyldy. Bir kúnde 26 adam ólimi tirkeldi: 19 adam – koronavirýstan, 7 adam koronavirýs pnevmoniiasynan qaitys boldy dep aitylady.
Ótken táýlikte Almaty qalasynda – 545, Almaty oblysynda – 278, Nur-Sultanda - 242 naýqas tirkelgen. Batys Qazaqstan oblysynda - 101, Atyraý oblysynda – 64, Qaraǵandy oblysynda – 90, Aqtóbe oblysynda – 153, Pavlodar oblysynda – 31, Aqmola oblysynda – 60, Shymkent qalasynda – 30, Shyǵys Qazaqstan oblysynda – 23, Mańǵystaý oblysynda – 11, Jambyl oblysynda – 28, Qostanai oblysynda – 34, Soltústik Qazaqstan oblysynda – 24, Qyzylorda oblysynda – 39, Túrkistan oblysynda 16 naýqas anyqtalǵan.
2020 jyldyń naýryz aiynan beri 256 837 adamnyń koronavirýs testi oń shyqty. Sodan beri 3129 adam qaitys bolǵan.
6 sáýirdegi málimet boiynsha, 28 333 adam indetten (27 330 KVI+ jáne 1 003 KVI-) emdelip jatyr. Olardyń ishinde 10 243 patsient - statsionarda, 18 090 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 456 adamnyń jaǵdaiy aýyr;
• 132 patsienttiń jaǵdaiy óte aýyr;
• 77 naýqas ÓJJ apparatynda jatyr.
Qazaqstan úkimeti byltyr 1 tamyzdan bastap analizinen koronavirýs anyqtalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń da esebin júrgizip keledi. Toǵyz aidan astam ýaqyt aralyǵynda pnevmoniianyń bul túrimen 50 839 naýqas tirkelgen. Basym bóligi jazylǵan, 709-y qaitys bolǵan.
Qazir Nur-Sultan, Almaty qalasy, Almaty oblysy, Atyraý, Aqtóbe, Batys Qazaqstan jáne Aqmola oblystary "qyzyl aimaqta" tur. Shymkent jáne Qaraǵandy oblystary – "sary aimaqta", qalǵandary "jasyl aimaqta" tur.
Elde 1 aqpannan bastap jappai vaktsinalaý naýqany bastalǵan. Sońǵy málimet boiynsha, 266 myń adamǵa vaktsinanyń keminde bir dozasy salynǵan. Densaýlyq saqtaý ministri Aleksei Tsoi 6 sáýir kúngi brifing kezinde sáýir aiynda aimaqtarǵa 2 mln vaktsina jetkiziledi, sol arqyly halyqtyń 23,4 paiyzyn vaktsinamen qamtamasyz etýge bolady dep málimdedi. Úkimet vaktsinalaý naýqanyn qyrkúiek aiynda aiaqtaýdy josparlap otyr.
Ótken aptada prezident Qasym-Jomart Toqaev vaktsinalaý naýqanynyń sylbyr júrip jatqanyn synap, densaýlyq saqtaý ministri Aleksei Tsoiǵa eskertý jasaǵan.
Amerikalyq Djons Hopkins ýniversitetiniń málimetinshe, álemde barlyǵy 131,7 millionnan astam adamnan koronavirýs anyqtalǵan. Onyń 74 milliony jazylǵan, 3 millionǵa jýyǵy qaitys bolǵan.
