- 2015-2016 jyldary 1800-den astam laýazym ieleri sybailas jemqorlyq úshin jazalandy. Bul týraly búgin Astanada EYDU sybailas jemqorlyqqa qarsy jelisi quqyq qorǵaý organdarynyń jetinshi otyrysynda QR Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary Alik Shpekbaev málim etti, dep habarlaidy "Ult aqparat".
«2015-2016 jyldary bizdiń jemqorlyqqa qarsy qyzmettiń, ulttyq biýro jumysynyń nátijesi boiynsha, 1800-den astam laýazymdy tulǵalar sybailas jemqorlyq úshin jazaǵa tartyldy. Olardyń ishinde respýblikalyq mańyzdaǵy túrli deńgeidegi basshylar 21-den astam, oblystyq - 120, qalalyq jáne aýdandyq- 313. 48 mlrd. teńgeden astam keltirilgen zalal anyqtaldy, sonyń ishinde orny toltyrylǵan jáne tyiym salynǵan múlik quny 32 mlrd. teńgeden asady», - dep toqtaldy Shpekbaev.
Onyń sózine qaraǵanda, árbir tergelgen qylmystyq is boiynsha otandyq qylmystyq-protsessýaldyq kodekske sáikes nusqama engiziledi.
Osy rette 1528 osyndai nusqama jiberilip, 436 tártiptik jaza engizildi.
«Bul baǵyttaǵy jumystar boiynsha tiisti nátijeler aiqyndaldy, iaǵni qyzmetin tómendetýmen memlekettik qyzmetti oryndaýdan bosatylǵandar bar, sonymen qatar jumysynan shyǵarylǵandar da jetkilikti», - dedi ol.
