Foto: ashyq derekkóz
2025 jylǵy 16 maýsymda «Dene shynyqtyrý jáne sport týraly» jańartylǵan zań jobasy kúshine endi. Qujattaǵy basty jańalyqtardyń biri – joǵary jetistikter sportyn irikteýdiń jańa ólshemsharttaryn engizý jáne «basym sport túrleri» uǵymyn zańmen bekitý, dep habarlaidy Ult.kz.
Zań talaptaryna sáikes, elimizde tirkelgen 180 sport túriniń tek 60-tan astamy ǵana basym baǵyt retinde aiqyndaldy. Bul tizim ulttyq qurama komandalarynyń Olimpiada, Paralimpiada, Sýrdlimpiada, Aziia jáne Aziia Para oiyndaryndaǵy nátijeleri negizinde jasalady.
Jańa erejeniń maqsaty – el sportshylarynyń básekege qabilettiligin arttyrý, biýdjet qarajatyn tiimdi josparlaý jáne ulttyq quramalardyń daiyndyǵynda naqty basymdyqtardy anyqtaý.
Buǵan deiin barlyq sport túri úsh topqa bólinip, eki jylda bir ret reiting nátijeleri boiynsha saralanatyn. Qarjylandyrý mynadai tártippen júzege asyrylyp keldi:
- «A» toby – reitingte joǵary upai jinaǵan, belsendi damyp jatqan sport túrleri;
- «V» toby – ortasha upaiǵa ie, damý áleýeti bar sport túrleri;
- «S» toby – upaiy tómen, damý múmkindigi shekteýli sport túrleri.
Sondai-aq buǵan deiin ár óńir óz múmkindigine qarai basym sport túrlerin derbes anyqtap, damý tetikterin ózderi ázirleitin. Al jańa zańnamaǵa sáikes, basym sport túrleriniń tizimin bekitý quzyreti Týrizm jáne sport ministrligine berildi. Bul – elimizde joǵary jetistikter sportyn damytýdyń keshendi jáne birizdi júiesin qalyptastyrýǵa jol ashady.
