QR Densaýlyq saqtaý ministrligi Sanitariialyq-epidemiologiialyq baqylaý komiteti vaktsina saldyrsa da, koronavirýs juqtyrǵan turǵyndar týraly aqparat berdi, dep habarlaidy "Ult aqparat".
«Búgingi tańda vaktsina alǵannan keiin (birinshi jáne ekinshi kezeń) koronavirýs infektsiiasyn juqtyrýdyń 16 jaǵdaiy tirkeldi. Bul jaǵdailardyń ishinde vaktsinatsiianyń ekinshi kezeńinen keiingi eń kóp kún – tórtinshi apta. Sonymen qatar, koronavirýs infektsiiasyna qarsy vaktsinatsiiadan keiingi immýnitet ekinshi kezeńdegi vaktsinany alǵan sátten bastap, alty aptadan keiin qalyptasatynyn habarlaimyz», - dep túsindirdi komitet.
Sonymen birge, komitet aýrýdyń juǵýyna vaktsinanyń qatysy joqtyǵyn basa aitty.
«Bizdiń elde qoldanylatyn KVI-ge qarsy vaktsinanyń quramynda tiri virýs joq, sondyqtan engizilgen vaktsina KVI aýrýyn týdyrmaidy. Vaktsinada antideneler paida bolatyn koronavirýstyń bir bóligi ǵana bar. Keiin infektsiia bolǵan jaǵdaida, bul antideneler vaktsinadaǵy osy bólshek arqyly tabiǵi virýsty tutas tanyp, ony joiady. Osyǵan bailanysty, jańadan ekpe alǵan adam vaktsinadan aýrý juqtyra almaidy jáne vaktsina alǵandyqtan ainalasyna aýrý tasymaldamaidy», - deidi Sanitariialyq-epidemiologiialyq baqylaý komiteti.
