Densaýlyq saqtaý ministri Aleksei Tsoi aldaǵy ýaqytta Qazaqstanda PTR-testten ótkizý jiiligi 35 myń adamǵa artatynyn málimdedi, – dep habarlaidy QazAqparat.
«Elde testileýdi qoljetimdi etý úshin 20 PTR-analizator satylyp alynýda. Bul zerthanalardyń ótkizý múmkindigin táýligine 35 myń adamǵa deiin arttyra túsedi. PTR-testten ótkizý úshin 8 kóshpeli zerthana satylyp alynady. Búginge deiin 1,5 mln adam KVI boiynsha testten ótti. Test epidemiologiialyq kórsetkish boiynsha júrgiziledi», - dedi Aleksei Tsoi OKQ-da ótken baspasóz máslihatynda.
Sonymen birge ministr óz sózinde halyqty shekteý sharalaryn qatań saqtaýǵa shaqyrdy.
Onyń aitýynsha, dál qazirgi ýaqytta bir adamnyń áreketi birneshe adamnyń ómirin saqtap qala alady.
Eske sala ketsek, búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaralǵan bolatyn. Memlekettik komissiianyń sheshimimen 5 shildeden bastap 14 kúnge qatań shekteý sharalaryn engizetin boldy.
