دەنساۋلىق ساقتاۋ مينيسترٸ الەكسەي تسوي الداعى ۋاقىتتا قازاقستاندا پتر-تەستتەن ٶتكٸزۋ جيٸلٸگٸ 35 مىڭ ادامعا ارتاتىنىن مەلٸمدەدٸ, – دەپ حابارلايدى قازاقپارات.
«ەلدە تەستٸلەۋدٸ قولجەتٸمدٸ ەتۋ ٷشٸن 20 پتر-اناليزاتور ساتىلىپ الىنۋدا. بۇل زەرتحانالاردىڭ ٶتكٸزۋ مٷمكٸندٸگٸن تەۋلٸگٸنە 35 مىڭ ادامعا دەيٸن ارتتىرا تٷسەدٸ. پتر-تەستتەن ٶتكٸزۋ ٷشٸن 8 كٶشپەلٸ زەرتحانا ساتىلىپ الىنادى. بٷگٸنگە دەيٸن 1,5 ملن ادام كۆي بويىنشا تەستتەن ٶتتٸ. تەست ەپيدەميولوگييالىق كٶرسەتكٸش بويىنشا جٷرگٸزٸلەدٸ», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
سونىمەن بٸرگە مينيستر ٶز سٶزٸندە حالىقتى شەكتەۋ شارالارىن قاتاڭ ساقتاۋعا شاقىردى.
ونىڭ ايتۋىنشا, دەل قازٸرگٸ ۋاقىتتا بٸر ادامنىڭ ەرەكەتٸ بٸرنەشە ادامنىڭ ٶمٸرٸن ساقتاپ قالا الادى.
ەسكە سالا كەتسەك, بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس قازاقستانداعى ەپيدەميولوگييالىق احۋالدى تۇراقتاندىرۋ شارالارى قارالعان بولاتىن. مەملەكەتتٸك كوميسسييانىڭ شەشٸمٸمەن 5 شٸلدەدەن باستاپ 14 كٷنگە قاتاڭ شەكتەۋ شارالارىن ەنگٸزەتٸن بولدى.
