Elimizde 130 JOO bar, olardyń sany qysqarýy múmkin. Bul týraly Ortalyq kommýnikatsiialar qyzmetinde ótken brifingte QR JOO Assotsiatsiialar prezidenti Rahman Alshanov aitty, dep habarlaidy QazAqparat.
«Mysaly, mashina jasaý mamandyǵyna 1000 grant beredi, al keregi - 200 bolýy múmkin. Bul jerde bári qandai mamandyq qajet ekenine bailanysty. Ár salanyń ereksheligin, suranysqa ie ekenin eskere kele, 130 JOO-nyń 15-20-sy qysqarýy nemese jabylýy múmkin», - deidi Rahman Alshanov.
Sondai-aq, QR JOO Rektorlar keńesi tóraǵasy Erlan Sydyqov stýdentter sany qysqarmaitynyn aitty.
«Stýdentterdiń sany qysqarmaidy. Joǵary bilim alǵysy keletin, soǵan yntaly azamattardyń kóp bolýy elimizdiń bolashaǵy úshin mańyzdy. Ejelden qazaq qoǵamynda balasyn oqytýǵa, onyń bilimin shyńdaýǵa ynta joǵary bolǵan. Bul yntany biz paidalanýymyz kerek, sondyqtan bul jerde stýdentterdi qysqartý máselesi joq. Biz tek talapqa sai emes joǵary oqý oryndaryn qysqartý boiynsha usynystar berýimiz shart», - deidi ol.
