«Qazaqstan temir joly» UK» AQ Qazaqstannyń barlyq óńirlerinde tótenshe jaǵdai kezeńinde júk tasymaldaýmen bailanysty aiyppuldardy, alymdardy jáne tólemderdi alyp tastady, dep habarlaidy QazAqparat kompaniianyń baspasóz qyzmetine silteme jasap.
«Sheshim «Temir jol kóligi týraly» QR Zańy aiasynda, «Atameken» QR Ulttyq kásipkerler palatasynyń úndeýin eskere otyryp qabyldandy»,-delingen habarlamada.
Atap aitqanda endi:
- júk tasymaldaý jospary boiynsha ótinimdi oryndamaǵany úshin aiyppul salynbaidy;
- júk jóneltýshilerdiń, júk alýshylardyń, tarmaq ielenýshilerdiń, vagondardyń (konteinerler) ieleriniń kinásinen bolǵan, menshikti (jalǵa alynǵan) vagondardyń bos turǵany, magistraldyq, stantsiialyq joldarda konteinerlerdiń kidirgeni úshin tólem alynbaidy.
Budan basqa, fors-majorlyq jaǵdailarǵa bailanysty júk alýshylarǵa júktiń mejeli stantsiiaǵa kelgeni týraly habarlanǵan sátten bastap 48 saǵattan artyq turyp qalǵan júkterdi saqtaǵany úshin alym 10 eselik emes, bir eselik mólsherde alynady.
