Foto: ashyq derekkóz
Almatyda Qazaqstan Jazýshylar odaǵynyń qara shańyraǵy – «Ádebietshiler úiinde» dástúrli Ádebi jyl qorytyndysy ótti, dep habarlaidy Ult.kz.
Sharany Qazaqstan Jazýshylar odaǵy Basqarma Tóraǵasynyń orynbasary, aqyn Qasymhan Begmanov júrgizdi. Ádebiet merekesine elimizdiń túkpir-túkpirinen kelgen qalamgerler men Jazýshylar odaǵynyń aimaqtyq ókilderi qatysty.
Jiynda 2024 jyly jaryq kórgen ádebi týyndylar men basylymdarǵa ádil taldaý jasalyp, bir jyl ishinde ádebiette qol jetkizilgen jetistikter men kezdesken túitkilder jan-jaqty sarapqa salyndy. Qalamgerler ulttyq rýhaniiattyń búgini men bolashaǵy jaily keleli oi qozǵady.
Ádebi jiyn barysynda ár janr boiynsha mazmundy baiandamalar jasalyp, ádebiettiń kókeitesti máseleleri jan-jaqty talqylandy.
Ádebiet keńesteri boiynsha jasalǵan baiandamalar tizimi:
• Proza keńesi – Nurlybek Samatuly, «Qara sózdiń bári proza emes»;
• Poeziia keńesi – Baqytjan Abyz, «Búgingi óleń órisi: kemeli men kemisi»;
• Orys ádebieti keńesi – Vasilii Shýpeikin, «O sostoianii i nekotoryh problemah razvitiia rýsskoiazychnoi literatýry v Kazahstane»;
• Detektiv janry – Temirbolat Ahmetov, «Elimizdegi detektiv jáne fantastikanyń búgingi ahýaly»;
• Balalar ádebieti keńesi – Nurdáýlet Aqysh, «Ótken jylǵy qazaq balalar ádebieti: jańasha izdenister úrdisinde»;
• Derekti proza – Beibit Qoishybaev, «Otanshyldyq sezim tárbiesi»;
• Sheteldegi qazaq ádebieti – Baqytbek Bámishuly, «Kósem ádebiettiń kúmis bulaqtary»;
• Ádebi syn keńesi – Gúljan Orda, «Qazirgi ádebi syn men ádebiettaný»;
• Uiǵyr ádebieti keńesi – Rahmetjan Iýsýpov, «Qazaqstandaǵy uiǵyr ádebietiniń kezekti jetistikteri»;
• Satira keńesi – Doqtyrhan Turlybek, «Kúlgenge ne jetsin, oilanǵan da durys»;
• Dramatýrgiia keńesi – Amangeldi Muqan, «Otandyq dramatýrgiiada zaman tynysy seziledi»;
• Jastar keńesi (proza) – Aizat Raqysh, «Jastar prozasy – tiri qubylys»;
• Jastar keńesi (poeziia) – Edilbek Dúisen, «Jastarǵa jappas jala joq»;
• Aýdarma janry – Ainaǵul Sadyqova, «Túpnusqany túsiný – jumystyń jartysy»;
• Qazirgi qazaq ádebieti – Gaziza Qudaibergenqyzy, «Qazirgi qazaq ádebieti: oqyrman jáne avtor».
Ádebi jyl qorytyndysy qazaq ádebietiniń búgingi baǵytyn baǵamdap qana qoimai, keleshekke jańa serpin beretin umtylystardy aiqyndap berdi. Bul basqosý – qalamgerlerdiń rýhani tutastyǵyn bekemdep, ulttyq ádebietimizdiń kemeldenýine jol ashqan taǵylymdy kúnderdiń biri boldy.
