Elimizdegi jastar uiymdary qazaqstandyqtarǵa úndeý joldady. «QazAqparat» halyqararalyq aqparat agenttigiń úndeýdiń tolyq mátinin oqyrman nazaryna usynady.
***
Qurmetti jas qazaqstandyqtar!
Biz, Qazaqstan jastary, Qazaqstannyń dańqty tarihy men dástúrlerin jalǵastyrýshylar, qoǵam men memlekettiń joǵary múddelerin negizge ala otyryp, el men Qazaqstan halqy aldyndaǵy óziniń qasietti boryshyn sezine otyryp, birlik pen uiymshyldyqty, beibitshilik pen qoǵamdyq kelisimdi, Táýelsizdiktiń myzǵymas qundylyqtaryn qorǵai otyryp, El Prezidenti Q.K. Toqaevqa tereń qurmet pen alǵys bildire otyryp, osy qiyn-qystaý sátte elimizdiń jas urpaǵyna úndeý jasaimyz.
Biz Memleket basshysy Q.K. Toqaevtyń QR Konstitýtsiiasyna sáikes áreket etetin, qajetti sheshimderdi qabyldaityn - elimizdiń barlyq azamattarynyń tynyshtyǵy úshin kúresetin barlyq bastamalaryn tolyq qoldaimyz!
Qazaqstannyń jas azamattaryn tótenshe jaǵdai talaptaryna, Zańǵa qatań baǵynýǵa, el tynyshtyǵyn buzatyn arandatýshylardyń sózine senbeýge, tek resmi derekkózderge ǵana senýge shaqyramyz.
Búginde elimizdiń barlyq óńirlerinde volonterlik shtabtar jumys isteidi, olarǵa jastar problemalyq máselelerdi sheshý úshin júgine alady. Sondai-aq jastar volonterlik shtabtardyń qyzmetine qatysa alady.
Osyndai syn saǵatta biz el Prezidentiniń ainalasyna toptasyp, birtutas bolýǵa tiispiz.
Bizge el tynyshtyǵy men yntymaǵy, halyq birligi kerek!
Bizde bir el, bir halyq, bir taǵdyr bar! Kúshimiz birlikte!
«Nur Otan» partiiasy janyndaǵy «Jas Otan» JQ;
«Qazaqstannyń jastar kongresi» ZTB;
«Assambleia jastary» RQB;
«Jas ulan» BBU» RQB;
«Jasyl el» RJEOSh;
«Qazaqstan stýdentter aliansy» RSQ;
«Bolashaq» Halyqaralyq stipendiiasy stipendiattardyń assotsiatsiiasy» QB;
«Kazaqstan KTK Odaǵy» RQB;
Óńirlik jastar uiymdary;
Nur-Sultan, Almaty, Shymkent qalalary men oblystardyń jastar resýrstyq ortalyqtary.
