Qazaqstan Ulttyq banki kadr rezervine úmitkerlerdi irikteý aiasynda ótinimderdi qabyldaý merzimin 2022 jylǵy 19 aqpanǵa deiin uzartady. Bul týraly UB-nyń baspasóz qyzmetinen málim boldy, dep habarlaidy QazAqparat.
Esterińizge sala keteiik, irikteýge qatysý úshin Qazaqstan Ulttyq bankiniń saitynda elektrondyq reziýme toltyrý qajet.
«Kandidattardy irikteý kezindegi negizgi ólshemsharttar: bilimi, joǵary biliktilik deńgeii, jumys tájiribesi, halyqaralyq sertifikattardyń bolýy (qarjy, IT salasynda). Kadr rezervine irikteý kezeń-kezeńimen júrgiziledi. Birinshi kezeń – túiindeme men ýájdemelik hat (esse) berý, odan keiin olardy qaraý qorytyndysy boiynsha kandidattar Qazaqstan Ulttyq bankiniń adam kapitalyn damytý departamentiniń ókilderimen, sondai-aq múddeli bólimsheleriniń basshylarymen áńgimelesýge shaqyrylatyn bolady», - dep naqtylady baspasóz qyzmeti.
Irikteýden ótken jáne kadr rezervine alynǵan izdenýshiler jyl ishinde Qazaqstan Ulttyq bankine jumysqa ornalasýy múmkin.
Kadr rezervine alynǵan kandidattar tizimi Ulttyq banktiń saitynda jariialanady.
