Qazaqstan Ýhan qalasynda bilim alyp jatqan qazaqstandyq stýdentterdi elge qaitarý úshin Qytai tarapynan kelissóz júrgizip jatyr. Bul týraly Qazaqstannyń bas sanitarlyq dárigeri Jandarbek Bekshin aitty.
«Qazaqstan Úkimeti Qytai Úkimetine Ýhannan 61 stýdentimizdi elge alyp kelýge nietti ekendigin bildirdi. Aita keterlik jait, Qytaiǵa arnaiy bortpen baratyn dárigerlerimiz qorǵanys kostiýmdarmen jáne maskamen jabdyqtalady. Olar kelgennen keiin zararsyzdandyrýdan ótedi jáne stýdentter 14 kúnge karantindik statsionarǵa ornalastyrylady. Qazir Qytai tarapynan bizdiń ushaqtyń ushýyna kelisim kútip otyrmyz», - dedi Jandarbek Bekshin.
Elimizdiń bas dárigeri qytaida júrgen stýdentterimiz ben azamattarymyzdy elge qaitarýymyz qajettigin basa aitty.
«Sondyqtan shekarany jabý múmkin emes»,- dedi ol.
