Indoneziiada ótip jatqan Jazǵy Aziia oiyndarynda búgin qazaqstandyq boksshy Ábilhan Amanqul alǵashqy aiqasyn jeńispen bastady, dep habarlaidy QazAqparat tilshisi.
QR Ulttyq Olimpiada komiteti baspasóz qyzmetiniń habarlaýynsha, bokstan 75 kelige deiingi salmaqta synǵa túsetin Ábilhan Amanqul Aziia oiyndaryndaǵy alǵashqy jekpe-jeginde jeńiske jetti.
1/16 ainalymda Ábilhan tailandtyq Aphisit Kananhokhkrýeamen kezdesip, 5:0 esebimen basym tústi.
Eske sala keteiik, Ábilhan Amanqul Aziia oiyndarynyń saltanatty ashylý rásiminde Qazaqstan bairaǵyn kóterip shyqqan bolatyn. Ol - 2017 jylǵy álem chempionatynyń kúmis júldegeri.
Aita keteiik, osyǵan deiin sharshy alańǵa shyqqan bokstan álem chempiony Qairat Eraliev alǵashqy aiqasyn ótkizip, qarsylasyna ese jibergen bolatyn.
